Tras o desastre, solidariedade: A Lama cede "por tempo indefinido" as súas instalacións á SCD Ponte Caldelas
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/55e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6546145c10-whatsapp-image-2023-11-04-at-10.16.24-1-.jpeg)
© Radio Nova
![](/web/cache/scene/uploads/fotos/foto/224/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6352bb8154-unnamed.jpg)
© Concello de A Lama
Pouco despois de coñecerse as importantes desfeitas sufridas no campo de Chan da Barcia, en Ponte Caldelas, polo desbordamento do río Verdugo, a SCD Ponte Caldelas xa recibira ofrecementos de axuda por parte doutros clubs, segundo recoñecía o seu presidente Pedro Rodríguez, e en menos de 24 horas pechouse un acordo para garantir a actividade dos seus equipos.
O Concello da Lama anunciou formalmente a cesión do campo de Racelo ao club do municipio veciño "por tempo indefinido", xa que os danos son de tal consideración que a situación se alongará aínda durante moitos meses.
"Faremos todo o que sexa posible da nosa parte para que sentan como na casa este equipo irmán e a súa afección. Racelo será durante todo o tempo que necesiten a casa da SCD Ponte Caldelas", explicou o alcalde da Lama, David Carrera.
Asegura o goberno local que o entendemento e a coordinación entre a administración e os presidentes dos clubs, A Lama SD e SCD Ponte Caldelas, foi total.
Esta tempada en curso a entidade deportiva caldelá conta con ata 12 equipos repartidos entre as diferentes categorías de formación e as súas formacións sénior, tanto masculina como feminina, que a partir de agora pasarán a xogar os seus encontros como locais no campo de Racelo.
Relacionadas:
-
SOS da SCD Ponte Caldelas: "Necesitamos da vosa axuda para poder seguir adiante"
Por Diego Espiño |
-
Un novo céspede artificial en Chan da Barcia cunha "drenaxe especial" para soportar futuras crecidas do Verdugo
Por Diego Espiño |
-
Ponte Caldelas pide axuda a Xunta e Deputación para afrontar os danos do temporal: "Sinto rabia e impotencia"
Por Diego Espiño |
-
O PP pide que se declare a Ponte Caldelas "zona catastrófica" tras o desbordamento do Verdugo
Por Redacción |
-
VÍDEO.- O temporal esnaquiza o campo de fútbol de Chan da Barcia: "É un desastre"
Por Diego Espiño |