O Pontevedra B cae en casa do Polvorín (1-0)
Por Redacción
O duelo de filiais entre Polvorín e Pontevedra B caeu en terras lucenses grazas ao gol de Pablo Fernández aos 62 minutos de xogo.
Os de Jesús Ramos fixeron os deberes á hora de defender o balón parado e gozaron de numerosas ocasións para abrir a lata, en especial con centros laterais que non obtiveron a súa recompensa.
Precisamente a primeira chegada perigosa foi para o cadro granate cun envío desde a dereita de Pacheco que Fabio cabeceou por fóra por moi pouco. A Polvorín, pola súa banda, respondeu cunha falta directa que detivo sen problemas Carlos García.
Na segunda metade os primeiros en avisar foron os locais tras aproveitar un erro en defensa do Pontevedra B. Pablo Martínez colgou o balón como puido en área granate e Edu Taboada gañou a partida para meter o pé o xusto e obrigar ao gardameta visitante a intervir.
Avisou despois Anwar desde tres cuartos de campo cun potente disparo que se foi por fóra, pero na seguinte chegada non perdoaron. Corría o minuto 62, sacou de banda o filial do Lugo, que fixo unha boa combinación en banda esquerda con Mario Gómez como protagonista, que correu a banda ata o fondo para sacar un centro cara atrás desde onde Pablo, de primeiras, xutou para bater a Carlos García.
O gol sentou como un xerro de auga fría aos granates, que aínda que tentaron devolver o empate ao marcador foron incapaces de chegar con perigo a porta rival e regresar a Pontevedra sen premio.
O derbi de filiais @CDLugo_FB vs @CanteraPCF_ (1-0) quedou en Lugo
— En Xogo tvG2 (@EnXogo_tvG2) October 22, 2023
Polvorín 1-0 Pontevedra B Gol de Rubal 59'
Tedes o resumo completo en G24 https://t.co/0Zdh2hN5Pk pic.twitter.com/H3Hm0bygJw
Relacionadas:
-
Jesús Ramos lembra que o ano pasado "viñamos dunha serie de cinco empates e unha derrota e ao final conseguiuse o ascenso"
Por Almu Dapena |
-
Libasse Guèye, titular na derrota do Pontevedra B ante o Betanzos (0-3)
Por Redacción & Cristina Saiz |
-
Guèye goza de minutos no empate do Pontevedra B ante o Silva (0-0)
Por Redacción |
-
O Pontevedra B supera o Estradense nun partido condicionado polo mal tempo (2-0)
Por Redacción & Cristina Saiz |
-
O Pontevedra programa en Pasarón o partido do filial fronte ao Estradense
Por Redacción |
-
Duro castigo para o Pontevedra B, derrotado no minuto 90 polo Barbadás (1-2)
Por Redacción |
-
Primeiro triunfo da tempada para o Pontevedra B, superando a domicilio o Arzúa (2-3)
Por Redacción |
-
O Pontevedra B non pode co Celta B Gran Peña (0-2)
Por Redacción |
-
O Pontevedra B non pasa do empate en Arteixo (1-1)
Por Redacción |