![](/web/cache/scene/uploads/fotos/foto/656/_S7QytKoutjK3UsovKMnMzytWsi62MrK0UqrKz891Lsov0DGzMN_/_AxNjDQKcpMzyjRyc1MSclJVbKuBQA=_/64ef13117a-doc_64ecd343000b97.75070559_perfil.png)
© Federación Galega de Ciclismo
Pontevedra acollerá a última etapa da Volta Ciclista a Galicia 2023
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/3ac/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/55feec5f51-20150920-diegotorrado-vuelta-galicia-5.jpg)
© Diego Torrado
![](/web/cache/scene/uploads/fotos/foto/b60/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64ef132d69-doc_64e884819d4ba5.31814896_plano.jpg)
© Federación Galega de Ciclismo
O calendario deportivo de Pontevedra suma unha nova cita de interese, como complemento á Gran Final das Series Mundiais de Tríatlon.
A Boa Vila será escenario da etapa decisiva da XXI Volta Ciclista a Galicia.
A rolda ciclista elite e sub-23 vivirá a súa cuarta e última etapa na súa edición de 2023 o domingo 17 de setembro con saída e meta na Praza de España de Pontevedra.
Será nunha xornada de 133,6 quilómetros de percorrido e ata tres ascensións, como o alto de Pe da Moa (3ªcategoría), o Lago de Castiñeiras (2ª) e O Pituco (3ª), a menos de 10 quilómetros do final.
A caravana de corredores partirá ás 10.00 horas da mañá desde Pontevedra para dirixirse pola costa a través da PO-308 ata A Lanzada, e logo penetrar no interior da comarca cara a Dena para pasar despois por Cerdedo-Cotobade, Ponte Caldelas, Soutomaior, Arcade e Marín antes de afrontar o seu desenlace de novo no centro da cidade.
A Volta Galicia 2023 dará comezo o xoves 14 de setembro en Pobra de Brollón, onde se disputará unha contrarreloxo individual de 6,7 quilómetros. O municipio lugués acollerá ademais a segunda xornada cunha etapa en liña de 148 quilómetros.
Pola súa banda a terceira etapa, de 131,3 quilómetros, terá saída e meta en Pobra de Trives, na contorna da estación ourensá de Manzaneda.