A pontevedresa Tere Abelleira fixo historia coa Selección Española ao proclamarse campioa do mundo tras derrotar a Inglaterra na final. Por iso, as redes sociais encheron de felicitacións á xogadora mostrando a súa alegría e orgullo.

Un deles foi o alcalde de Pontevedra, Miguel Anxo Fernández Lores, que escribiu na súa conta de Twitter "Partidazo de Tere Abelleira nesta final do Mundial de Fútbol! Parabéns, campioa! Parabéns!".

Partidazo de @teresabelleira nesta final do Mundial de Fútbol!

Parabéns, campioa! Parabéns!

— Miguel Anxo F. Lores (@Lorespontevedra) August 20, 2023

Tamén Alfonso Rueda, presidente da Xunta de Galicia, e Luís López, presidente da Deputación de Pontevedra, quixéronse sumar ás felicitacións, dando o parabén a todo o equipo pero en especial á pontevedresa. "Unha final apaixoante coa presenza de Tere Abelleira en nome do deporte galego", escribiu Rueda.

A selección feminina de fútbol volveu demostrar hoxe o esforzo, traballo e grandísimo talento que temos no noso deporte feminino.

Unha final apaixoante coa presenza de @teresabelleira en nome do deporte galego.

Sempre fostes gañadoras, agora tamén campioas. Parabéns! pic.twitter.com/eRFMJPTsJb

— Alfonso Rueda (@AlfonsoRuedaGal) August 20, 2023

20/8/2023

Lembremos este día porque a @SEFutbolFem acaba de facer HISTORIA, e non só do deporte español.

Parabéns, CAMPIOAS! 
Que orgullo, @teresabelleira! #JugarLucharYGanar #CampeonasDelMundo pic.twitter.com/r2IRhH0Abm

— Luis López Lugués (@LuisLopezLugues) August 20, 2023

O mundo do fútbol galego tamén quixo felicitar á pontevedresa, coa Federación Galega á cabeza e equipos como o Pontevedra CF ou o Poio Pescamar.

"Grazas Selección e grazas Teresa Abelleira por facernos tan felices", escribiu a Futgal.

Siiiiiiiiiiiiiiiiiiiiiii

Campioas do Mundo!!!

Gracias @SEFutbolFem e gracias @teresabelleira por facernos tan felices

HISTORIA https://t.co/w88uJ2U1Sl

— RFGF (@futgal) August 20, 2023

Pola súa banda, o cadro vermello quixo lembrar o campionato de España que gañou Tere cando vestía a camiseta conserveira e admitiron estar "orgullosas" dela.

De campioa de España connosco a campioa do mundo coa @SEFutbolFem 

Orgullosas de ti @teresabelleira #PoioPescamar #España #FIFAWomensWorldCup2023 pic.twitter.com/TXBPr3Zb8t

— Poio Pescamar FS (@PoioPescamarfs) August 20, 2023

Por último, o equipo masculino da cidade, o Pontevedra CF, colgou unha foto da xogadora española cunha camiseta granate e escribiron: "De Pontevedra para o mundo. Tere Abelleira campioa do Mundo, máis que orgullosos de ti".

De Pontevedra para el mundo 

Tere Abelleira campeona del Mundo, más que orgullosos de ti  pic.twitter.com/TVHKx4I2mt

— Pontevedra CF (@PontevedraCFSAD) August 20, 2023