Pontevedra Viva!

Máis +
Iván Calvo, na súa presentación como xogador do Cisne

© Mónica Patxot

Iván Calvo renova co Cisne cunha ilusión: "Volver ascender a Asobal"

Redacción

Por Redacción

O novo proxecto do Club Cisne Balonmán na División de Honra Prata segue tomando forma, e faino coa renovación dun "pilar fundamental na defensa", asegura a entidade.

Trátase de Iván Calvo, que seguirá un ano máis defendendo as cores do equipo pontevedrés.

"Esta será a miña quinta tempada, estou moi contento", asegurou o especialista defensivo, que esta campaña en Asobal perdeu boa parte do curso por unha lesión. Unha ausencia que acusou o equipo en momentos clave.

Por todo iso Calvo afronta a nova campaña con ilusións renovadas. "Espero vervos a todos no Municipal para o ano que vén e tentar volver ascender a Asobal", asegura.

Con el son xa cinco os xogadores confirmados para un Cisne que dirixirá Javier Fernández 'Jabato' desde o banco, ao unirse a unha lista na que xa estaban o extremo canario Alberto Delgado, fichado procedente do Gáldar, e os renovados Mateo Arias, Roney Franzini e Gualther Furtado.

 

Relacionadas: