Antía Jácome, Carolina García e Teresa Portela poñen a directa ao Mundial con tres medallas na Copa do Mundo de Szeged
Por Diego Espiño
Gran xornada a vivida polo piragüismo pontevedrés na Copa do Mundo de Szged, Hungría, con ata tres medallas e o que é máis importante, o obxectivo cumprido de lograr un billete para o próximo Campionato do Mundo, primeira competición que outorgará prazas para os Xogos Olímpicos.
A tarde comezou para Antía Jácome logrando o pase á final no C-2 200 xunto á madrileña María Corbera, ao ser segundas na súa serie de semifinais. Pero o mellor estaba por chegar aínda por chegar empezando por unha distancia que será olímpica no programa de París 2024, a categoría individual do C-1 200 metros.
Nesta proba a pontevedresa logrou a medalla de bronce ao ser terceira cun tempo de 46.83 segundos, a 0.84 segundos da vencedora, a cubana Yarisleidis Duboys (45.99), mentres que a canadense Katie Vincent foi segunda (46.10 segundos).
"Non podo estar máis feliz, é a miña primeira competición da tempada e non podía empezar mellor. Isto dáme a praza para o Mundial e espero que no Mundial poida facelo un pouquiño mellor", sinalou Jácome en declaracións á Real Federación Española de Piragüismo.
@antiajacc: “No puedo estar más feliz. Ahora voy a tope a por el C2”. #SomosPalistas pic.twitter.com/yr0WpmNhoB
— PiragüismoEspaña (@RFEPiraguismo) May 12, 2023
Tras esa alegría, Antía volveu subir á canoa con María Corbera na final do C-1 200 metros, logrando un especatular primeiro posto de 44.46 segundos, superando na chegada ás dúas tripulacións chinesas, que foron prata e bronce.
Un gran botín que este sábado pode ampliarse noutra final en distancia olímpica, o C-2 500 metros, no que Jácome e Corbera parten co papel de favoritas aos postos de podio.
CAROLINA GARCÍA E TERESA PORTELA, PRATA NO K-4 500
A armada pontevedresa sumou unha medalla máis na Copa do Mundo de Szeged, e fíxoo tamén nunha proba olímpica como é o K-4 500 no que reman a pontevedresa Carolina García e a canguesa Teresa Portela xunto a Sara Ouzande e Estefanía Fernández, e que teñen a súa base de adestramento en Verducido.
O K-4 finalizou nun brillante segundo posto (1:37.36) que lle dá o pase ao Mundial finalizando a só 0.29 segundos da tripulación chinesa, que se fixo co ouro. Terceiro foi o barco de Nova Zelandia.
A xornada completárona no C-1 1.000 metros Pablo Crespo, cun quinto posto na súa semifinais que lle valeu un lugar na Final B, e David Barreiro, que foi sétimo na mesma quenda.
Relacionadas:
-
Adrián Sieiro pon a directa cara á final nos Xogos Europeos
Por Diego Espiño |
-
Prata europea para Antía Jácome e María Corbera: "Imos ir a por todas no Mundial"
Por Diego Espiño |
-
Os Xogos Europeos, un reto para o piragüismo e o taekwondo pontevedrés
Por Redacción |
-
Antía Jácome volveo facer: Terceira medalla na Copa do Mundo de Szeged cunha prata na distancia olímpica de C-2 500 metros
Por Diego Espiño | Creada e actualizada
-
Positiva estrea da armada pontevedresa na Copa do Mundo de Szeged, con dobre billete ás finais de Antía Jácome
Por Diego Espiño |
-
A Copa do Mundo de Szeged, novo paso no camiño do piragüismo pontevedrés cara aos Xogos Olímpicos
Por Redacción |
-
Manuel Fontán e Pablo Graña, a nova esperanza olímpica pontevedresa
Por Manu Otero & Mónica Patxot |
-
Os pontevedreses Pablo Crespo e Antía Jácome pechan os Trials Olímpicos con triunfo no C1
Por Manu Otero |
-
Carolina García repite clasificación internacional no segundo día de 'Trials Olímpicos', esta vez no K-2 500
Por Diego Espiño |
-
Fontán e Graña dan a badalada e logran o billete para a Copa do Mundo
Por Manu Otero |