Positiva estrea da armada pontevedresa na Copa do Mundo de Szeged, con dobre billete ás finais de Antía Jácome
Por Diego Espiño
Obxectivo cumprido para o piragüismo pontevedrés na primeira xornada da Copa do Mundo de Szged, Hungría, cita na que os padeeiros buscan un billete para o Mundial dentro da folla de roteiro cara aos Xogos Olímpicos de París 2024.
Todos os representantes da comarca que entraron en acción na xornada inaugural en Hungría pasaron o corte das primeiras quendas eliminatorias e seguen vivos na competición para as quendas decisivas.
Á cabeza da delegación destacou o rendemento de Antía Jácome (UCAM), que logrou o pase directo á final do C-2 200 e do C-2 500 xunto á madrileña María Corbera ao impoñerse nas dúas series, mentres que no C-1 200 metros, sen billetes directos á regata decisiva, foi segunda na súa eliminatoria avanzando ata a semifinal.
Tamén pasaron a semifinais as representantes do K-4 500 feminino, no que se inclúen a pontevedresa Carolina García (Náutico Sevilla) e a canguesa Teresa Portela (UCAM). Fixérono co terceiro mellor tempo da súa serie.
Por último, con máis apuros pero pasando o corte, avanzaron a semifinais do C-1 1.000 metros tanto Pablo Crespo (EP Ciudad de Pontevedra) como David Barreiro (Breogán), quinto e sexto respectivamente nas súas series.
Relacionadas:
-
Prata europea para Antía Jácome e María Corbera: "Imos ir a por todas no Mundial"
Por Diego Espiño |
-
Os Xogos Europeos, un reto para o piragüismo e o taekwondo pontevedrés
Por Redacción |
-
Antía Jácome volveo facer: Terceira medalla na Copa do Mundo de Szeged cunha prata na distancia olímpica de C-2 500 metros
Por Diego Espiño | Creada e actualizada
-
Antía Jácome, Carolina García e Teresa Portela poñen a directa ao Mundial con tres medallas na Copa do Mundo de Szeged
Por Diego Espiño |
-
A Copa do Mundo de Szeged, novo paso no camiño do piragüismo pontevedrés cara aos Xogos Olímpicos
Por Redacción |
-
Manuel Fontán e Pablo Graña, a nova esperanza olímpica pontevedresa
Por Manu Otero & Mónica Patxot |
-
Os pontevedreses Pablo Crespo e Antía Jácome pechan os Trials Olímpicos con triunfo no C1
Por Manu Otero |
-
Carolina García repite clasificación internacional no segundo día de 'Trials Olímpicos', esta vez no K-2 500
Por Diego Espiño |
-
Fontán e Graña dan a badalada e logran o billete para a Copa do Mundo
Por Manu Otero |