As escolas deportivas de Poio regresan a cifras prepandemia con máis de 700 menores inscritos
Por Redacción
Despois de varias temporadas marcadas pola situación sanitaria, o exercicio 2022-2023 está a ser o primeiro da nova normalidade no eido do deporte. A concelleira responsable desta área no Concello de Poio, a nacionalista Marga Caldas, explica que a día de hoxe son preto de 700 os nenos e nenas de diferentes idades inscritos nas 15 modalidades ofertadas. Son disciplinas que se impulsan grazas á colaboración establecida cos clubs e entidades deportivas do municipio.
Precisamente, Marga Caldas recorda que o Concello ofrece subvencións nominativas a estes clubs, para garantir o bo funcionamento da base. Neste ano 2023 a contía total ascende a un total de 62.980 euros. Ademais, os clubs tamén ingresan de xeito íntegro as contías correspondentes as cotas por inscricións. A día de hoxe, as modalidades que ofrecen as Escolas Deportivas Municipais son fútbol, fútbol sala, balonmán, baloncesto, tríatlon, ximnasia rítmica, tenis, ciclismo, taekwondo, piragüismo, caiac-polo, atletismo, kickboxing, rugby e vela.
Ademais deste investimento, tal e como recorda Marga Caldas, as familias de Poio con menos recursos económicos están eximidas de pagar as cotas de inscrición á hora de darse de alta nalgunha das modalidades que ofertan os clubs. É o Concello quen asume eses gastos nos casos que están debidamente acreditados polo departamento de Servizos Sociais.
Relacionadas:
-
Ana Pontón e a candidata Marga Caldas manteñen un encontro con integrantes de entidades deportivas
Por Redacción |
-
Prazo aberto para inscribirse no II Torneo de Smash Bros que se celebrará na Casa Rosada
Por Redacción |
-
Carmela Silva asegura que a Deputación de Pontevedra é a administración "máis útil" para os concellos
Por Oskar Viéitez |
-
As Escolas Deportivas de Cerdedo-Cotobade terán o "apoio total" do Concello
Por Redacción |
-
O rugby, principal novidade nas escolas deportivas de Poio que comezan o 3 de outubro
Por Redacción |
-
Poio prevé o investimento de máis de 700.000 euros en infraestruturas deportivas durante 2022
Por Redacción |