Sufrido triunfo do Arosa ante o Choco para meter presión o Fabril (1-0)
Por Redacción
Cun solitario gol de Pacheco no minuto 18 o Arosa logrou a vitoria ante o xa descendido Choco para continuar coa súa persecución ao líder Fabril.
Con todo, ao cadro de Luisito custoulle entrar no partido e foi o seu rival o que tivo a primeira ocasión por medio de Samu que, cun remate afastado, obrigou a estirada de Manu Táboas para evitar o gol.
Co paso dos minutos o Arosa foi atopándose cómodo e responderon cunha falta afastada de Abel Suárez que terminou en córner, Brais Pedreira sacou de esquina e Pacheco, no segundo pau, rematou de zurda para abrir o marcador.
Dominaron os da Lomba tras o tanto xerando numerosos achegamentos de perigo, aínda que foi o Choco o que puido igualar o encontro antes do descanso cun centro envelenado de Ubeira que a punto estivo de sorprender a Manu Táboas.
Despois do paso polos vestiarios, o cadro visitante superou en posesión ao Arosa, que tivo tres claras ocasións nos primeiros 10 minutos coas que puido abrir a brecha no marcador. Borja Míguez tívoa nun man a man que atrapou Cortegoso; Sylla rematou só no punto de penalti un centro de Julio Rey, pero o seu remate foi demasiado frouxo; e, pouco despois, un centro de Brais Pedreira rematouno Iñaki de volea.
O control seguiu sendo do Choco, que a pesar de ter o control do balón foi incapaz de xerar ningunha ocasión clara coa que inquietar a un Arosa que suma tres puntos máis ante a súa afección que lle permiten seguir de cheo na pelexa por roubarlle a primeira praza ao Fabril e conseguir o ascenso directo.
Relacionadas:
-
O Arosa xogará a fase polo ascenso a Segunda Federación tras a derrota en Vilalba (2-1)
Por Redacción |
-
O Arosa reacciona a tempo para superar o Somozas e xogará o ascenso na última xornada (4-2)
Por Redacción |
-
O Arosa regala entradas aos seus socios para o último asalto ao ascenso directo na Lomba
Por Redacción |
-
Triunfo do Arosa en Ourense (2-3) para manter o pulso co Fabril, que tamén gaña en Somozas
Por Redacción |
-
Arosa e Asociación Bata unen forzas para dar visibilidade ás persoas con autismo
Por Redacción |
-
O Arosa salva un empate en Arteixo (2-2)
Por Redacción |
-
Traballado triunfo do Arosa ante o Silva (2-0)
Por Redacción & Cristina Saiz |
-
O Arosa perde ante a Gran Peña cun menos, pero o Fabril tamén (2-1)
Por Redacción |