O Pontevedra recupera efectivos nun plantel no que Yelko, Valen, Samu e Bueno seguen de baixa
Por Manu Otero
A praga de lesións remite na casa granate. Despois de varias semanas nas que ata dez xogadores arrastraban diversas doenzas, a normalidade parece regresar a Pasarón coincidindo coa chegada do novo adestrador, Juan Señor.
Nas dúas sesións de traballo que leva o mítico futbolista da Selección, só catro xogadores traballaron á marxe do grupo. Trátase Yelko Pino, ao que aínda lle restan polo menos dúas semanas para reaparecer, o lesionado de longa duración Samu Araújo, o convalenciente Valentín Jaichenco e o uruguaio Gonzalo Bueno, que viu freada a súa adaptación ao grupo por unha lesión que lle impide adestrar xunto ao resto dos seus compañeiros.
Ningún dos catro estará dispoñible para o partido deste domingo ás 12 horas fronte ao Fuenlabrada e, con total seguridade, seguirán estando de baixa a próxima semana para o duelo en Pasarón contra o Alxeciras.
Pola contra, xa están metidos de cheo na dinámica do grupo xogadores que lesións de diversa consideración como Diego Seoane, Ángel Bastos, Derik Osede, Borja Domínguez, Brais Abelenda ou Rufo.
Os seis traballan xa con normalidade e poderán disputar o próximo partido, pero a súa condición física está aínda lonxe de ser óptima. O exlateral do Racing de Ferrol segue con problemas nos seus aductores e tanto Rufo como Brais incorporáronse esta semana por completo á dinámica do primeiro equipo pero aínda necesitan un período de adaptación para diputar os noventa minutos. Borja Domínguez, pola súa banda, evoluciona favorablemente, mentres que Derik e Bastos parecen estar completamente recuperados.
Relacionadas:
-
Enigma Yelko Pino
Por Manu Otero |
-
Debut de Señor no banco de Pasarón con triunfo que permite o Pontevedra ver a luz ao final do túnel (1-0)
Por Almu Dapena & Cristina Saiz |
-
O Fuenlabrada reduce a un Pontevedra que xogou máis de 50 minutos en inferioridade (2-1)
Por Almu Dapena |
-
Presión alta e reforzo da confianza, primeiros acenos de identidade do Pontevedra de Señor
Por Manu Otero |
-
Juan Señor: "Levo o fútbol actual nos meus ollos, na miña cabeza e na miña vida. É a miña paixón"
Por Manu Otero & Mónica Patxot |
-
Juan Antonio Señor, novo adestrador do Pontevedra
Por Manu Otero |