O Cisne afronta un partido "case a vida ou morte" en Cantabria contra o Sinfín
Por Manu Otero
O Cisne segue buscando unha vitoria que sirva para cortar a mala serie de resultados e que lle permita volver engancharse á carreira pola permanencia. "Temos un desprazamento complicado e un partido moi importante contra un rival directo pola permanencia", afirma Marcos Otero, Quiños, sobre o duelo previsto para este domingo ás 20 horas en Cantabria contra o Sinfín.
Os brancos xa gañaron aos cántabros na primeira volta, pero o mal momento de resultados dos de Márquez permitiu aos de Rubén Garabaya darlle a volta á situación. "Empezaron moi ben a segunda volta e distanciáronse de nós en tres puntos, de perder serían cinco", advirte o técnico deixando clara a necesidade de regresar a Pontevedra con "algo positivo".
O triunfo dos santanderinos sobre Logroño e Anaitasuna reforzou a confianza dun equipo cuxo obxectivo é o da permanencia en Asobal, polo que no vestiario cisneísta afrontan o choque "case como un partido a vida ou morte", recoñece Quiños.
"É un equipo no que todos achegan e a defensa é un baluarte", detalla o preparador a principal preocupación dun Cisne que trata de recuperar sensacións nunha segunda volta na que aínda non puntuaron.
Pola súa banda, o Teucro, despois de derrotar ao Bueu a semana pasada, afronta unha nova saída. Os azuis enfróntanse este sábado ás 20 horas ao SAR de Redondela, un rival que ocupa a última posición da clasificación con só catro puntos e ao que o Teucro debe derrotar se quere seguir escalando postos na táboa.
Relacionadas:
-
O Cisne perde no último minuto contra o Sinfin tras ir gañando durante todo o partido (21-20)
Por Almu Dapena |
-
O Teucro leva o derbi contra o Bueu cun gol de Vinicius 'in extremis' (28-27)
Por Redacción |
-
O Benidorm exhíbese contra o Cisne (32-27)
Por Almu Dapena |
-
Marko Dzokic salva un empate para o Teucro sobre a bucina (28-28)
Por Redacción |
-
O Cisne sucumbe ante un demoledor Anaitasuna (26-33)
Por Almu Dapena |