Converter o Estadio Reina Sofía nunha pota a presión é o obxectivo de Unionistas de Salamanca para a visita o vindeiro sábado (19.00 horas) do Pontevedra Club de Fútbol, e o certo é que todo apunta a que o club salmatino conseguirá o seu propósito.

Dada a importancia do choque, con ambos os dous equipos pelexando por escapar da zona de descenso, o club charro decidiu habilitar unha interesante promoción para os seus abonados, dándolles a opción de retirar ata tres invitacións para acompañantes se son socios PRO ou Colaboradores ou dous billetes no caso de ser un abonado de categoría normal.

A resposta da afección de Unionistas non se fixo esperar, confirmando este xoves a entidade de Salamanca que xa se retiraron 1.200 invitacións para o choque.

Ya se han retirado  entradas de acompañante de socio para los dos próximos partidos.

 ¡Ven a por la tuya pronto!

 17:00-20:00
 Rúa Mayor 43 https://t.co/UpPdJyN2Fl

— Unionistas de Salamanca CF (@UnionistasCF) January 12, 2023

Esta cifra, unida aos máis de 3.100 socios cos que conta Unionistas, achéganse ao aforo máximo do Estadio Reina Sofía, fixado en pouco menos de 5.000 espectadores, o que convida a pensar nunha cifra próxima ao cheo tendo en conta que a promoción segue activa.

Un ambiente de gala ao que deberá sobrepoñerse o Pontevedra se quere lograr levar os tres importantes puntos en xogo que supoñerán o fin da primeira vueñta de competición na Primeira RFEF.