Derik Osede, no Trofeo Luis Otero entre Pontevedra e Lugo

O Pontevedra formaliza a alta de Derik Osede

Por Diego Espiño
Mércores 4 de Xaneiro, 2023 ás 11:40 do Mércores 4 de Xaneiro, 2023

Derik Osede xa é, desde este mércores, xogador para todos os efectos do primeiro plantel do Pontevedra Club de Fútbol, que confirmou a súa alta federativa.

O central comprométese cos granates tras permanecer na dinámica de traballo do club desde verán adestrando a pesar de quedar no seu momento sen ficha.

A principio de curso "necesitaba unha adaptación", recoñeceu o pasado luns o adestrador Antonio Fernández, pero agora a situación é completamente diferente porque "leva moito tempo adestrando connosco e está axustado á nosa forma de pensar e de ver o xogo. Eu véxoo un xogador súper apto", explicou o técnico.

Con todo para contar con Osede era necesario facer oco no plantel, ao ter todas as súas fichas sénior ocupadas. Ese sitio abriuse coa saída de Mario Ortiz rumbo ao Algeciras.

A pesar de levar máis dun ano en branco, no seu paso polo Alcoyano e tras superar unha grave lesión que se produciu cando militada no Deportivo, Derik Osede é un xogador cunha ampla traxectoria e experiencia en categorías superiores, xogando en Segunda División en equipos como o Real Madrid Castilla e o Numancia.

Formalizada a súa inscrición, o defensor está en condicións xa de debutar este mesmo mércores contra o Mallorca na Copa do Rei.