Reto de altura para o Poio Pescamar nos oitavos de final de Copa
Por Redacción
Semana importante para Poio Pescamar e Marín Futsal en busca dun posto na fase final da Copa da Raíña.
Sen apenas descanso desde a última xornada de liga, ambos os dous equipos afrontan a eliminatoria de oitavos de final da competición, cun duelo de altura especialmente para o cadro conserveiro ao xogarlla na pista do Futsi Atlético Navalcarnero (martes, 18.00 horas).
O equipo adestrado por Luís López-Tulla chega á cita coa confianza en todo o alto tras asinar o mellor arranque da súa historia na categoría, con 30 puntos de 33 posibles que lle colocaron a tiro do liderado. Claro que no primeiro posto está o seu rival copeiro con pleno de triunfos ata a data.
Será toda unha proba esixente para un equipo que esta semana recibiu ademais a noticia dunha nova convocatoria internacional con España para a súa xogadoras Luci e Martita, para un dobre amigable con Italia os días 13 e 14 de decembro.
Nesa lista tamén figuran Silvia Aguete e Ale de Paz representando a un Marín Futsal que na Copa da Raíña quere repetir o éxito da pasada campaña, cando chegou á fase final. Para iso debe desfacerse a domicilio do Atlético Torcal, actual líder do grupo terceiro na Segunda División.
O encontro xogarase a partir das 19.00 horas no pavillón malagueño de Guadaljaire.
Relacionadas:
-
Pase con sufrimento do Marín Futsal á fase final da Copa da Raíña (3-6)
Por Redacción |
-
O intratable Futsi Atlético apea o Poio Pescamar nos oitavos de final de Copa (5-1)
Por Diego Espiño |
-
Vitoria en Ourense para un Poio Pescamar que segue intratable (0-3)
Por Almu Dapena |
-
Un Marín Futsal negado ante o gol cae contra o Amarelle no derbi galego (0-2)
Por Almu Dapena & Cristina Saiz |
-
'Coco' no sorteo de Copa para o Poio Pescamar e rival máis alcanzable para o Marín Futsal
Por Redacción |