Xornada de transición para Bea Gómez no Europeo de piscina curta de Herning
Por Redacción
O segundo día de competición do Campionato de Europa de Piscina Curta que se está a disputar en Herning, Dinamarca, non foi especialmente positivo para Bea Gómez Cortés.
A nadadora do Galaico non conseguiu pasar o corte das eliminatorias nos 200 braza, finalizando no posto 33 cun tempo de 2.29.85, moi lonxe da súa mellor marca nesta distancia (2.25.29).
Bea, que no seu calendario tiña previsto nadar esta proba como complemento para manter o ritmo competitivo, céntrase agora nos seus principais obxectivos no Europeo, os 400 libres e os 400 estilos de sábado e domingo respectivamente.
Pola súa banda a ribeirense María Vilas finalizou no duodécimo lugar dos 800 libres cunha marca de 8.25.86, próxima ao seu mellor rexistro persoal.
Relacionadas:
-
Obxectivo cumplido para Bea Gómez Cortés: quinta nos 400 estilos do Europeo de Herning
Por Alejandro Espiño |
-
Bea Gómez, fóra da final de 400 libres do Europeo ao quedar por detrás de Mireia Belmonte e Melani Costa
Por Alejandro Espiño |
-
Décimo sexto posto para Bea Gómez no primeiro día de competición do Europeo de Piscina Curta
Por Redacción |
-
Bea Gómez, convocada para o Campionato de Europa en Piscina Curta de Herning (Dinamarca)
Por Redacción |