O Cisne, a romper a súa mala serie en Valladolid nunha intensa fin de semana deportiva en Pontevedra
Por Redacción
A axenda deportiva para esta fin de semana chega cargada de compromisos importantes para os equipos de Pontevedra e a súa comarca.
En balonmán, o Cisne segue loitando por manterse fóra dos postos de descenso. Unha praga de lesións tirou por terra o bo inicio de competición dos brancos, que este sábado ás 19 horas tratarán de pór fin a unha serie de derrotas que alcanza as cinco xornadas consecutivas. Este sábado mídense a un rival directo como o Valladolid, ao que se achegarían a un só punto en caso de conseguir o triunfo.
O outro equipo da cidade, o Teucro, visita tamén este sábado ao Carballal a partir das 18 horas. Os azuis seguen buscando a regularidade e enlazar, despois de vencer a pasada semana ao Xiria, un refacho de vitorias que saquen ao equipo da zona baixa da táboa.
Pola súa banda, o Arxil terá que facer as maletas este sábado a pesar de xogar como local. A falta de dispoñibilidade da cancha do CGTD obriga ás verdes a desprazarse ao pavillón marinense da Raña para recibir, ás 21 horas deste sábado, ao Aridane.
O fútbol sala centra tamén a actualidade deportiva da fin de semana. O Marín Futsal recibirá en casa ás 17 horas ao equipo que comparte o liderado co Burela, o Futsi Atlético Navalcarnero coa esperanza de dar a sorpresa e, de paso, facerlle un favor ás súas veciñas de Poio.
O Poio Pescamar viaxa á capital maña para medirse ás 18.30 horas ao Sala Zaragoza, un equipo da zona baixa da clasificación. Os tres puntos serán de valiosa importancia para manter a persecución dos dous líderes e seguir demostrando que este ano o Poio aspira a todo.
A xornada complétase o domingo cunha xornada da Superdivisión masculina de Tenis de Mesa na que o conxunto de Monte Porreiro recibe ao O Collado. Tamén o Bádminton Ravachol disputa como local o seu partido da máxima categoría nacional.
En fútbol, o Pontevedra recibe o sábado ás 19 horas ao Fuenlabrada, mentres que en 3ª RFEF o Arousa exercerá como local fronte á Gran Peña.
Relacionadas:
-
Repartición de puntos entre o TM Monte Porreiro e Collado Mediano (3-3)
Por Redacción & Cristina Saiz |
-
Un Bádminton Ravachol minguado polas baixas sofre ante La Orden (6-1)
Por Redacción |
-
Cómoda vitoria do Arxil contra o Aridane na Raña (75-43)
Por Redacción |
-
Vitoria de ouro para o Teucro ante o Carballal (29-30)
Por Redacción |
-
Triunfo en Zaragoza para un Poio Pescamar que segue de doce (2-3)
Por Redacción |
-
O colíder Futsi Navalcarnero non dá opcións o Marín Futsal (0-4)
Por Redacción & Cristina Saiz |
-
O Cisne planta cara a un Valladolid que o castigou nos minutos finais (35-31)
Por Almu Dapena |
-
A fe do Cisne non basta para compensar a súa fraxilidade defensiva (31-35)
Por Manu Otero & Mónica Patxot |
-
Vitoria do Arxil sobre o Sevilla para seguir crecendo (58-78)
Por Redacción |
-
Pelexado triunfo do Teucro ante o Xiria no seu regreso ao Municipal (22-21)
Por Cristina Saiz & Redacción |
-
O Marín Futsal sofre, pero supera o Joventut D'Elx pola mínima
Por Redacción |
-
Goleada de escándalo do Poio Pescamar o Rayo Majadahonda (12-0)
Por Redacción |