Choiva de medallas para España nas primeiras xornadas dos mundiais de loita
Por Manu Otero
Os mundiais de loita que se celebran no Pavillón Municipal comezaron este mércores coa disputa das competicións de grappling e, este xoves, de grappling Gi das categorías sub 17 e sub 20 tanto masculino como feminino que se pecharon con máis dunha teintena de medallas conseguidas polos loitadores españois. Delas, seis foron de ouro, 12 de prata e 14 de bronce.
As que máis alegrías deron ao deporte español foron as mulleres, que conseguiron en só dúas xornadas un total de 20 metais, mentres que os homes lograron os 12 restantes.
As preseas de ouro conquistáronas, na modalidade de grappling Gi, a sub 17 Carla Albitos e as sub 20 María Escobar e Marina Farray. Esta última repetiu éxito tamén na modalidade de grappling.
No cadro masculino, os ouros foron para os sub 20 Miguel Navarro, Jhonatan Orellana e Ismael Castillo (bronce en grappling Gi) na modalidade de grappling.
As sub 20 Alba Rodríguez, Julia de la Fuente e Irene Montesinos asinaron un dobrete ao conquistar a prata en grappling e grappling Gi, mentres Nayla Adell, fixo o propio en grappling Gi. A sub 17 Elena Riquelme subiuse tamén dúas veces ao podio para ocupar o segundo banzo en grappling e o terceiro, en grappling Gi.
Os sub 17 Leo Climent e Juan Jesús Gómez, así como os sub 20 Acoidan Arbelo e Pablo Torres colgáronse tamén a prata en grappling Gi.
Os bronces da delegación española nestas dúas primeiras xornadas de competición levan os nomes de Emanuel Segado, Antonio Herrera, Alejandro Reyes, Aron Hernández, Carla Davila, Ailin Santana, Ana González, Tatiana Pozo, Ismael Castillo, Lucía Benet, Vitoria Isidro e Nayla Adell.
Relacionadas:
-
Nerea Pampín queda sen opcións de bronce ao ceder na repesca do Mundial Sub-23
Por Diego Espiño & Mónica Patxot |
-
Nerea Pampín, á repesca no Mundial Sub-23 de Loita
Por Diego Espiño |
-
A loita feminina entra en escena no Campionato do Mundo Sub-23
Por Diego Espiño & Mónica Patxot |
-
Voluntarios, servizos, infraestruturas... o que non se ve dos mundiais de loita de Pontevedra
Por Diego Espiño & Mónica Patxot |
-
Pontevedra inaugura o Mundial Sub23 de Loita mirando cara ao futuro: "Agardamos acoller algún Europeo absoluto"
Por Diego Espiño & Mónica Patxot |
-
España pecha o Mundial de grappling e grappling-gi con 44 medallas
Por Redacción |
-
O CGTD recibirá 2,3 millóns de fondos europeos para a mellora das súas instalacións
Por Redacción |
-
Yui Susaki, unha campioa olímpica e mundial que busca en Pontevedra o 'Grand Slam' da loita
Por Diego Espiño |
-
Nove mundiais, setenta países e 1.100 deportistas para "o evento de loita máis importante da nosa historia"
Por Manu Otero & Mónica Patxot |
-
Pontevedra, preparada para ser sede da loita mundial durante as próximas dúas semanas
Por Redacción |