O Poio Pescamar fai da Seca o seu fortín e supera o Móstoles (4-0)
Por Almu Dapena & Cristina Saiz
O Pavillón da Seca segue sendo un fortín para o Poio Pescamar, que volveu á senda da vitoria ante a súa afección superando o Móstoles por 4-0.
Adiantouse moi pronto o cadro conserveiro cun tanto de Marta Peñalver, que de xogada estratéxica botada por Rocío, rematou ao segundo pau e superou a Ari.
Tentou o Móstoles igualar a contenda, respondendo, aínda que sen fortuna, cun disparo de Inma desde tres cuarto de campo. Con todo, nun erro na saída, Elena Aragón fíxose co esférico e cedeu atrás a Rocío para que anotase un golazo que supuxo o 2-0 co que se alcanzou o descanso.
Tras o paso polos vesturarios produciuse un intercambio de golpes para vermellas, por mediación de Rocío, e madrileñas, con Celia. Pero foron as locais as que tiveron mellor puntería e ampliaronn a súa renda. Dani Sousa rematou ao corazón da área unha xogada de Peñalver e puxo o 3-0.
Os tres puntos estaban no peto para as locais, e máis cando Laura Uña, desde o punto de penalti tras unha perda de balón rival, facía o cuarto tanto.
O Poio só tiña que aguantar o resultado, mentres que o Móstoles tivo nas botas de Forsiuk o gol da honra tras arriscar co xogo de cinco con Rafinha nun partido que concluíu en 4-0.
POIO PESCAMAR (4): Sandra Buzón; Luci, Anna Escribano, Dupuy e Laura Uña (cinco inicial). Tamén xogaron, Martita, Rocío Gómez, Marta Peñalver, Dani Sousa, Irene García, Elena Aragón e Chiesa.
MÓSTOLES (0): Ari, Rafinha, Forsiuk, Inma e Benete (cinco inicial). Tamén xogaron, Celia, Hrytsenko, Montufo, Ampi, Silvia Carral e Lucía Melcón.
Incidencias: A Seca. Colexiados, Menéndez Nistal e Vilas López. Amoestaron Celia, Montufo, Benete no Móstoles e Anna Escribano, Marta Peñalver, Martita no Poio Pescamar.
Goles: 1-0, min. 4 Marta Peñalver. 2-0, min. 11 Rocío. 3-0, min. 26 Dani Sousa. 4-0, min. 29 Laura Uña (penalti).
Relacionadas:
-
Sufrido triunfo do Poio Pescamar en Canarias (1-2)
Por Redacción |
-
Recital ofensivo do Poio Pescamar sobre o Alcantarilla para seguir invicto na Seca (4-2)
Por Almu Dapena & Cristina Saiz |
-
Remontada e primeira vitoria a domicilio para o Poio Pescamar (2-3)
Por Almu Dapena |
-
O Marín Futsal quere seguir coa súa boa serie en Ourense e o Poio Pescamar busca recuperar sensacións na Seca
Por Redacción |
-
Longos desprazamentos na segunda rolda da Copa da Raíña para Marín Futsal e sobre todo para Poio Pescamar
Por Redacción |
-
O Poio Pescamar sofre a pegada do Futsi Atlético (3-0)
Por Redacción |
-
O Poio Pescamar inicia a nova tempada con goleada ante o Joventut D’Elx (7-1)
Por Redacción & Mónica Patxot |