A primeira etapa da Costa Atlántica MTB Tour invade o centro histórico pontevedrés
Por Redacción & Mónica Patxot
Gran parte do centro histórico da Boa Vila acolleu este venres unha contrarreloxo nocturna moi especial como punto de partida da Costa Atlántica MTB Tour.
A primeira etapa da proba ciclista BTT contou con case 4 quilómetros de percorrido, con saída en grupos reducidos de catro a partir das 20:00 horas desde a Praza de España.
Continuou cara a Santa María, rodeando a Basílica para cruzar o Campiño e baixar as escaleiras da Enfesta de San Telmo ante a mirada de numerosos afeccionados e curiosos.
Unha vez abandonada a zona vella de Pontevedra, os participantes cruzaron o río pola ponte das Correntes, entraron na Xunqueira de Alba, deron unha volta ás marismas e regresaron ao momento de partida pola Rúa Arzobispo Malvar.
Este sábado celébrase a segunda etapa da proba ciclista, que tamén parte desde a Boa Vila con 80 quilómetros de percorrido ata Cambados para despois regresar a Pontevedra. O domingo, en cambio, os participantes terán que percorrer 68 quilómetros pola zona do Morrazo.
Relacionadas:
-
Guillermo García Janeiro, vencedor final da Costa Atlántica MTB Tour
Por Redacción |
-
Unha contrarreloxo nocturna que promete espectáculo no arranque da Costa Atlántica MTB Tour
Por Diego Espiño |
-
Restricións de tráfico pola proba ciclista Costa Atlántica MTB Tour
Por Redacción |
-
A Costa Atlántica MTB volve ao calendario deportivo pontevedrés
Por Diego Espiño |