O Pontevedra aférrase á cláusula de rescisión ante o interese por Miguel Román
Por Diego Espiño & Ramiro Espiño
Todos os focos no Pontevedra Club de Fútbol miran nos últimos días cara a Miguel Román.
O centrocampista granate, de aínda 19 anos, chamou a atención de moitos clubs a pasada campaña como unha das auténticas revelacións do equipo granate que ascendeu a Primeira RFEF, un interese que non fixo máis que crecer esta pretemporada ante as súas últimas actuacións, en especial a ofrecida o pasado sábado en Baltar no duelo fronte ao Celta B, no que marcou un bonito gol.
O Pontevedra gaña en Portonovo o Trofeo Manolo Martín@CanteiraCeleste 1:2 @PontevedraCFSAD
— En Xogo tvG2 (@EnXogo_tvG2) August 6, 2022
Lauti 18' pen
Valen 30' e golazo de Miguel Román 71'
Partidazo con multitude de ocasións pic.twitter.com/U8zuOusntX
Cun ano máis de contrato en vigor en Pasarón, nas últimas datas o club granate recibiu o interese concreto de dúas entidades de superior categoría para levar a Román. Un deles chegou a materializar unha oferta, que non foi tida en conta polo Pontevedra.
A intención na casa granate segue sendo a de manter nas súas filas ao '5', chamado a ser importante este ano no seu proxecto en Primeira RFEF, unha categoría que supón un paso adiante tamén para o xogador a nivel deportivo e que pode permitirlle continuar coa súa meteórica progresión.
De feito, desde as oficinas do Estadio Municipal de Pasarón remítense polo momento á cláusula de rescisión que figura no seu contrato, e que ascende a un millón de euros.
Iso non significa que Miguel Román termine facendo as maletas, pero para que o club pontevedrés se abra a negociar a súa saída a pouco máis de dúas semanas par que empece a liga a oferta terá que ser elevada, aínda sabendo de que o próximo verán o futbolista de Gondomar será libre para asinar con outro club, e tendo en conta que o Pontevedra debería investir parte dese traspaso en atopar un substituto de garantías.
Todo iso salvo que o equipo que decida acometer a súa fichaxe se abrise á súa continuidade na Boa Vila en calidade de cedido para a próxima tempada, unha posibilidade que achegaría unha inminente venda.
Relacionadas:
-
O Pontevedra afronta o último día de mercado con tres fichas sub 23 sen dono
Por Manu Otero |
-
O Pontevedra esgota todas as súas fichas sénior
Por Manu Otero |
-
O Pontevedra, á cola en instalacións para adestrar na Primeira RFEF
Por Diego Espiño |
-
Momento de decidir sobre Derik Osede: "Esta semana ou a que vén ten que ser definitiva"
Por Diego Espiño |
-
Mensaxe de Antonio Fernández tras a derrota en Vigo: "Con isto non nos chega para gañar"
Por Diego Espiño |
-
Mala tarde no Vao para o Pontevedra, que encaixa a súa primeira derrota da pretempada (1-0)
Por Diego Espiño |
-
Rufo, motivado coa Primeira RFEF: "Cada domingo vai ser un partidazo"
Por Diego Espiño |
-
Poio, nova sede de traballo na pretempada do Pontevedra
Por Diego Espiño |
-
Nova data para a pretempada do Pontevedra, cun amigable fronte ao Estradense
Por Diego Espiño |
-
O Pontevedra convence superando o Celta B (2-1)
Por Redacción & Cristina Saiz |
-
Borja Domínguez regresa ao Pontevedra
Por Redacción |
-
Empate do Pontevedra en Ourense no seu terceiro amigable de pretempada (1-1)
Por Diego Espiño |
-
Conta atrás de Seoane para chegar recuperado ao comezo de liga: "Quedan 26 días por diante e estou a mellorar moito"
Por Diego Espiño |
-
O Pontevedra golea o Vilalonga no segundo test de pretempada (0-6)
Por Redacción & Cristina Saiz |