Karla Hernández, segundo reforzo mexicano para o proxecto do Waterpolo Pontevedra en Primeira Nacional
Por Redacción
O Club Waterpolo Pontevedra volve fixarse no mercado internacional para reforzar ao seu equipo feminino, que debutará a próxima tempada na Primeira Nacional.
Tras as fichaxes da viguesa Carmen Carrera e a mexicana Alejandra Gallegos, a terceira incorporación conta de novo con aroma mexicano.
Trátase de Karla Hernández, xove xogadora de 20 anos que ocupa o posto de boia e que procede do Club Aguascalientes do seu país, do mesmo xeito que Alejandra Gallegos.
A pesar da súa mocidade conta con experiencia internacional, destacando o triunfo co seu equipo nacional no Campionato Centroamericano e do Caribe CCCAN 2022.
"Ao escoitar ao coach falar acerca dos obxectivos e metas que ten para o equipo foi o que me motivou a querer formar parte do CW Pontevedra, do mesmo xeito que me entusiasma bastante a idea de xogar noutro país e coñecer xente nova". sinalou Hernández tras confirmarse a súa fichaxe, afirmando que "achegarei todo o meu esforzo e compromiso para levar a cabo os obxectivos do equipo da maneira máis eficiente".
Relacionadas:
-
Ilusión disparada nun Waterpolo Pontevedra que xa prepara o seu debut en liga nacional
Por Manu Otero |
-
Sara Vanegas, a incorporación máis nova do Waterpolo Pontevedra para a súa estrea en categoría nacional
Por Redacción |
-
Valentina Restrepo, de Colombia ao proxecto de Primeira Nacional do Waterpolo Pontevedra
Por Redacción |
-
O Waterpolo Pontevedra abre fronteiras fichando á mexicana Alejandra Gallegos
Por Redacción |
-
O Waterpolo Pontevedra coñece aos seus rivais para o reto de competir na Primeira Nacional
Por Diego Espiño |
-
O CW Pontevedra redobra a súa aposta polo equipo feminino con máis orzamento, fichaxes e cambio de adestrador
Por Manu Otero |