Teresa Portela e Carolina García, directas á final mundialista no K-4 500
Por Diego Espiño
Creada e actualizada
Creada e actualizada
Positiva estrea para o piragüismo pontevedrés no Campionato do Mundo Sprint que comezou este mércores en Halifax, Canadá.
Unha das primeiras probas en disputarse foi o K-4 500 metros, con dobre presenza pontevedresa ao contar con Teresa Portela e Carolina García entre as deportistas do equipo nacional feminino, xunto a Sara Ouzando e Laia Pelachs.
Os meses traballando na súa base de adestramento no Complexo Deportivo David Cal do encoro de Pontillón do Castro, en Verducido, saíron a relucir na primeira serie clasificatoria, na que a embarcación española foi segunda cun tempo de 1:36.86, só sendo superadas polo equipo polaco e por diante do australiano, os tres que se fixeron co pase directo á final do próximo sábado 6 de agosto e na que Carolina García e Teresa Portela loitarán polas medallas.
Ademais Teresa Portela fixo dobrete no K-2 200 ao meterse na final xunto a Sara Ouzande tras liderar a súa quenda de principio a fin.
Pola súa banda o K-4 500 masculino, co cangués Rodrigo Germade a bordo, logrou o pase directo á final como primeiro clasificado da súa serie.
Na primeira xornada mundialista tamén participaba Manuel Fontán (Náutico O Muíño) no C-1 500 metros, sendo quinto na súa serie tendo por tanto que pasar polas semifinais.
Relacionadas:
-
O piragüismo pontevedrés busca o seu último baño de ouro da tempada no mundial de Hungría
Por Manu Otero |
-
Adrián Sieiro e Manuel Fontán, campións do Mundo no C-4 500 con Pablo Graña e Joan Antoni Moreno
Por Almu Dapena |
-
Rodrigo Germade leva o ouro e Teresa Portela a prata no Campionato do Mundo Sprint de Canadá
Por Almu Dapena |
-
O piragüismo pontevedrés, a por todas no Mundial de Canadá
Por Diego Espiño |
-
O piragüismo pontevedrés dá a talla no Campionato de España Sprint
Por Redacción |
-
Pablo Crespo gaña un posto para o Mundial de Piragüismo de Canadá
Por Diego Espiño |
-
Pablo Crespo e Jaime Duro, medalla de bronce no Campionato de Europa Sprint de Belgrado
Por Almu Dapena |
-
Éxito pontevedrés na Copa do Mundo de Racice: pratas para Adrián Sieiro, Teresa Portela e Carolina García
Por Almu Dapena | Creada e actualizada