Coke Carrillo asina polo Celta de Vigo para as próximas 5 tempadas
Por Diego Espiño
O Real Club Celta de Vigo confirmou este mércores a contratación do pontevedrés Coke Carrillo.
O gardameta de Poio, canteirán do Pontevedra Club de Fútbol, comprometeuse coa entidade viguesa para o próximas cinco tempadas, desvinculándose así do Fútbol Club Barcelona, con quen tiña contrato ata 2024 cunha cláusula de rescisión de 50 millóns de euros.
Carrillo, que abandonou a entidade granate en idade xuvenil para enrolarse na canteira do Barcelona, xa estivo o pasado curso a préstamo no Celta de Vigo, no que foi terceiro porteiro do primeiro equipo en Primeira División a pesar de non chegar a debutar nin gozar tampouco de minutos co filial de Primeira RFEF.
Esta situación apunta a que cambiará esta tempada dada a forte aposta do Celta nel, ao asinalo por 5 anos.
O club vigués contaba cunha opción de compra sobre o porteiro tras o acordo de cesión do pasado verán.
No que respecta ao Pontevedra, a entidade da Boa Vila queda pendente das cantidades manexadas na operación, debido a que pode optar a recibir unha achega económica en concepto de dereitos de formación.
Relacionadas:
-
O Pontevedra convence superando o Celta B (2-1)
Por Redacción & Cristina Saiz |
-
Borja Domínguez regresa ao Pontevedra
Por Redacción |
-
O regreso de Coke Carrillo ao Pontevedra, un soño?
Por Diego Espiño |
-
O canteirán do Pontevedra Coke Carrillo chega cedido ao Celta B procedente do FC Barcelona
Por Redacción |
-
Coke Carrillo renova ata 2024 co Barcelona cunha cláusula de rescisión de 50 millóns de euros
Por Diego Espiño |
-
Coke Carrillo, de concentración coa Selección Española Sub-19
Por Diego Espiño |