Coliderado para o Sanxenxo tras o seu empate ante o Estradense (1-1)
Por Redacción
Sabedores de que a derrota do Ribadumia en Ourense lles podía situar como líderes en solitario do grupo sur da Rexional Preferente, o Xuventú Sanxenxo encarou este domingo a visita do Estradense a Baltar de Arriba (1-1).
Sen embargo os amarelos non puideron dobregar un rival que aproveitou un saque de esquina para adiantarse na primeira metade.
Pouco a pouco, sen caer na precipitación, o Sanxenxo foise arriba e empezou a crear ocasións, logrando a igualada pouco antes do descanso por medio de Róber.
No segundo acto o conxunto visitante limitouse a tratar de conservar o resultado ante o pulo dos de ÿscar García, que se lanzaron a pola vitoria.
Ese acoso intensificouse no tramo final tras a expulsión de xogador do Estradense Manuti, pero os locais non lograron anotar a pesar de contar con varias ocasións claras, incluíndo un balón á madeira de Muradás nos últimos instantes do partido.
Con este punto o Sanxenxo mantense en segundo lugar, pero alcanza ao Ribadumia á fronte da táboa con 27 puntos, dous máis que o terceiro clasificado.
XUVENTÿ SANXENXO (1): Jose, Fon, Cañi, Darío, Cerqueiras, Deivi, Javi (Minso, min.26), Hugo (Muradás, min.67), Cuchi (Diego Blanco, min.72), Róber, Nel.
CD ESTRADENSE (1): Coque, Chan, Arturo, Xiba, Jacobo, Mateo, Vicente, Manuti, Jorge, Pepe (Lema, min.67), Unai.
Árbitro: Casal Fernández (Vigo). Amoestou aos locais Róber, Cuchi e Nel e ao visitante Chan. Expulsou por dobre amarelo a Manuti no Estradense (min. 80).
Goles: 0-1 Jorge, min.24; 1-1 Róber, min.43.
Incidencias: Partido disputado en Baltar de Arriba, Sanxenxo.