Tere Abelleira queda fóra da lista das 23 elixidas para a Eurocopa
Por Redacción
Non haberá representante pontevedresa na Eurocopa que comeza o 6 de xullo en Inglaterra. O seleccionador español Jorge Vilda deu a coñecer este luns as 23 elixidas para participar no campionato e entre elas non está a xogadora do Real Madrid Tere Abelleira.
A centrocampista galega si que estivo entre as 28 seleccionadas para a concentración de preparación, pero este luns o técnico confirmou os cinco nomees que quedarán sen participar no torneo, que son: Ainhoa Moraza, Nerea Eizagirre, Claudia Zornoza, Amaiur Sarriegi e Teresa Abelleira.
Con todo, as cinco xogadoras descartadas seguirán traballando co grupo ata unhas xornadas antes do inicio da Eurocopa, posto que a UEFA permite realizar substitucións de xogadoras por razóns médicas.
Antes de dar a lista, a Selección disputou esta fin de semana un partido amigable fronte a Australia que se saldou con vitoria da Vermella por sete goles a cero. O día 30 afrontarán o último duelo de preparación e debutarán no torneo o 8 de xullo contra Finlandia no Stadium MK de Milton Keynes.
OFICIAL Estas son las 23 estrellas que iluminarán nuestros sueños.
— Selección Española Femenina de Fútbol (@SeFutbolFem) June 27, 2022
Jorge Vilda presenta esta estelar lista con las jugadoras que nos representarán en la
¡¡¡Volemos JUNTAS, equipo!!! #JugarLucharYGanar pic.twitter.com/VApNexwvj4
Relacionadas:
-
Teresa Abelleira, incluída na convocatoria máis polémica da Selección Española Absoluta
Por Diego Espiño |
-
Amarga estrea de Tere Abelleira na Eurocopa, con eliminación na prórroga fronte a Inglaterra
Por Diego Espiño |
-
A lesión de Salma Paralluelo abre as portas da Eurocopa a Tere Abelleira
Por Manu Otero |
-
Teresa Abelleira, na prelista da Selección Española Absoluta para a Eurocopa
Por Diego Espiño |