Pontevedra Viva!

Máis +
Pablo Dapena no Challenge Gdansk

© Challenge Family

Pablo Dapena arrasa no Challenge de Gdansk

Almu

Por Almu Dapena

Pablo Dapena gana o Challenge Gdansk

© Challenge Family

Pablo Dapena segue demostrando que está ao pé do canón e pode con toda competición que se lle poña por diante.

A última foi este domingo no Challenge de Gdansk, onde partía como favorito e así o demostrou, superando con máis de catro minutos e medio ao seu inmediato perseguidor, o ucraíno Sergiy Kurochkin.

A proba comezou ao redor das 8:00 horas co segmento de 1.900 metros de natación, que foron liderados polo local Kacper Stepniak, ao que acompañaron tanto Dapena como Koruchkin para saír xuntos da auga.

Os tres triatletas mantivéronse xuntos durante todo o tramo ciclista, ata alcanzar a T2 con crono de 2:31:35, a un minuto e medio de vantaxe do cuarto, o polaco Tomasz.

Pero foi nos 21 quilómetros de carreira a pé onde o pontevedrés fixo valer a súa condición de favorito para aumentar o ritmo e incrementar a vantaxe e alcanzar a meta nun tempo de 3:44:47.

O podio completárono o ucraíno Sergiy Kurochkin (+4:35) e o polaco Kacper Stę pniak (+6:15).

Relacionadas: