Marcos Del Río, director xeral do Pontevedra CF, no Estadio Municipal de Pasarón

"Estívose liquidando a pasada tempada e se leva días traballando na nova, pero non hai nada que anunciar aínda"

Por Diego Espiño
Venres 3 de Xuño, 2022 ás 13:14 do Venres 3 de Xuño, 2022

O Pontevedra Club de Fútbol puxo en marcha a maquinaria para planificar a próxima tempada, aínda que o fixera afastado dos focos.

Así o asegurou este venres o director xeneral granate, Marcos del Río, na rolda de prensa de presentación do campus de adestramento que levarán a cabo este verán, revelando que "se está traballando, pero de momento o traballo lévase de portas cara a dentro".

Del Río defendeu que "a actividade non cesou nin desde o día que terminou a liga ata hoxe", pero "simplemente non hai nada que anunciar de momento".

En canto ás primeiras xestións realizadas desde as oficians de Pasarón, o director xeral explicou que "se estivo liquidando a pasada tempada e se leva días traballando na nova", reiterando que "non hai nada que anunciar aínda".

Para concluír o responsable granate asegurou que "sabemos que a xente está desexosa de saber, comprendémolo, pero temos que ir anunciando a medida que haxa feitos confirmados".