O Poio Pescamar organizará o Campionato de España Infantil Feminino
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
As boas noticias seguen chegando para o Poio Pescamar, que tras conquistar o título da Copa Galicia en categoría infantil feminina, será o encargado de organizar o Campionato de España Infantil Feminino.
Impuxéronse ao Viaxes Amarelle o pasado domingo 22 de maio na gran final do título autonómico por 1-3 e así conseguiron o billete para pelexar pola conquista do premio nacional, pero a celebración non quedou aí, senón que este venres coñeceron que o club vermello será o anfitrión do Campionato de España.
Desta forma, o Pavillón Municipal da Seca albergará durante os días 10, 11 e 12 de xuño o Nacional no que participarán o Futsal Inlingua Mataró CE representando a Catalunya; o FSF César Augusta en representación de Aragón; o EFB UB Conquense representando a Castela- A Mancha; ; La Boca Te Lía Futsal Alcantarilla, a Murcia; e o Alcorcón FSF, gañadoras da Comunidad de Madrid.
Cabe destacar que o rival do Poio Pescamar en cuartos de final será o cadro madrileño e que o sorteo situou ao equipo de Mataró directamente nas semifinais.