O Teucro descende a Primeira Nacional (30-36)
Por Almu Dapena
A Sociedad Deportiva Teucro é matematicamente equipo de Primeira Nacional. O xogo na segunda metade do Sant Quirze foi un auténtico vendaval ofensivo insuperable para o cadro pontevedrés, que xa está sentenciado ao abismo do descenso a falta de cinco xornadas para a conclusión (30-36).
Comezou o partido en grao sumo igualado tanto en goles como en erros, onde ambos os equipos tentearon ao rival e eran incapaces de decantar a balanza ao seu favor para manter a diferenza dun só gol ata chegado ao minuto 13, cando o Sant Quirze aproveitou un erro no lanzamento teucrista para facerse cunha renda de dous goles (6-8).
Pero enseguida o Teucro neutralizou a renda rival e non só iso, senón que superou con máis facilidade á defensa catalá para dar a volta ao luminoso grazas a un parcial de 3-0 (9-8). Ata aí chegou o bo facer dos de Pontevedra, que foron freados enseguida por un Sant Quirze que tamén quería a vitoria.
Mantívose igualado o duelo ata alcanzados o últimos cinco minutos do primeiro acto. Foi aí cando os visitantes aproveitaron as imprecisións do Teucro para irse ao descanso cunha importantísima vantaxe de catro goles (14-18).
Saíron os xogadores de Irene Vilaboa máis que durmidos dos vestiarios e volvíanse a ver superados pola arrancada dun Sant Quirze que poñía aínda máis terra polo medio ata alcanzar os seis goles de renda.
Parou o tempo a adestradora local cando aínda non se cumpriron os dous minutos de xogo. Non lle gustaba nada o que estaba a ver e deu coa tecla para reducir distancias grazas aos tantos de Gonçalo e Caue Herrera, que daban esperanzas a un Teucro que aos poucos se metía no partido (16-20).
Pero a alegría non durou moito, só ata o minuto oito, cando o técnico visitante decidiu para o tempo (18-21). A partir de aí o envite tivo un único dono, o Sant Quirze.
Os visitantes foron un vendaval ofensivo que desbordou por completo á defensa teucrista, incapaz de frear a sangría goleadora dun cadro catalán que cos inspirados Natan Moreno e Álex Berbel sentenciaban ao abismo a un Teucro moi inferior que certifica o seu descenso a Primeira Nacional (30-36).
Consulta as estatísticas do Teucro-Sant Quirze
Relacionadas:
-
O Teucro arrinca a planificación de Primeira Nacional
Por Redacción |
-
O Teucro confirma a baixa temporal de Marko Dzokic "por cancro testicular"
Por Diego Espiño |
-
Triste despedida de tempada para o Teucro ante o Sant Quirze (28-27)
Por Almu Dapena |
-
O Teucro pon en apertos a un Córdoba que xogará a permanencia na última xornada (21-25)
Por Redacción |
-
O Teucro perde ante o Esplugues tras un partido igualado (32-31)
Por Redacción |
-
O Teucro segue o seu camiño cara o abismo e perde contra o Alarcos Ciudad Real (32-26)
Por Almu Dapena |
-
Inicio de segunda volta para un Cisne que busca o ascenso e un Teucro que quere maquillar o seu descenso
Por Redacción |
-
Fin do proceso electoral no Teucro sen candidatos á presidencia
Por Diego Espiño |
-
O desastre do Teucro continúa en Córdoba (39-33)
Por Almu Dapena |
-
Continúa a crise do Teucro tras caer no Municipal contra o Esplugues (22-29)
Por Almu Dapena & Cristina Saiz |
-
O Sarrià complica a permanencia do Teucro (25-21)
Por Almu Dapena |
-
O Ciudad Real tumba a un Teucro en caída libre (25-33)
Por Almu Dapena & Cristina Saiz |