Fin do proceso electoral no Teucro sen candidatos á presidencia
Por Diego Espiño
A Sociedad Deportiva Teucro seguirá rexido, polo menos polo momento, por unha xunta xestora.
O proceso electoral aberto á presidencia da entidade, o segundo desde a marcha en 2019 de Carlos García-Alén, completouse sen a aparición de ningún candidato para asumir o posto e a xestión do vicedecano do balonmán nacional.
Trátase de algo esperado polos membros da xestora actual, ao non detectar estas semanas o interese de ningún socio por reunir os avais necesarios para presentarse á presidencia.
Pechado este mércores 13 de abril o prazo de presentación de candidaturas, o Teucro debe agora celebrar unha nova asemblea de socios para dar por finiquitado o proceso electoral e constituír unha nova xunta xestora para os próximos anos, nos que se enfrontará aos últimos pagos da débeda concursal unido a unha xa inevitable caída deportiva á Primeira Nacional.
Ese órgano reitor, no que se espera a continuidade da maior parte da directiva actual, estará aberto á entrada tamén de novos socios.
Relacionadas:
-
O Teucro, abocado a unha nova xunta xestora: "Ninguén vai seguir se non hai xente nova que entre"
Por Diego Espiño |
-
O Teucro descende a Primeira Nacional (30-36)
Por Almu Dapena |
-
O Teucro mantén 411.000 euros de patrimonio neto negativo e prepárase para "dous anos duros"
Por Diego Espiño & Mónica Patxot |
-
O Teucro iniciará o 17 de marzo, en asamblea extraordinaria, un novo proceso electoral
Por Redacción |
-
A Xunta Xestora do Teucro pospón sen data as novas eleccións á presidencia
Por Diego Espiño |
-
Sen caras novas na xunta xestora provisional do Teucro
Por Redacción |