O Arxil cae contra o Adareva e finaliza terceiro a liga regular (69-75)
Por Cristina Saiz & Redacción
O Club Baloncesto Arxil xa leva varias semanas coa mente posta na fase polo ascenso, pero este sábado xogábase no Centro Galego de Tecnificación Deportiva o segundo posto contra o Adareva Tenerife.
Mayte Méndez optou nesta ocasión polas rotacións e por dar minutos ás menos habituais, que mostraron moi bo nivel en todo momento pero apagáronse no cuarto acto, momento que aproveitaron as tinerfeñas para gañar por un axustado 69-75.
Foi un partido do todo igualado no que o protagonismo recaeu nunha Forster moi activa á hora de recoller os rebotes (13 en total) e en ataque, sendo a mellor do Arxil con 16 puntos. Destacou tamén Ruth Adams con 14 puntos e Buzadzin con 11.
Mantivo a súa boa tendencia de fronte ao aro o cadro pontevedrés ao comezo do envite, manténdose por diante no marcador en todo momento e mesmo logrando unha renda máxima de sete puntos no ecuador do segundo cuarto que se converteu en seis cando se alcanzou o descanso (33-27).
E despois de dous bos cuartos, chegou o peor momento do Arxil, que baixou o ritmo para ceder nos últimos e decisivos cuartos. Aínda que o terceiro non foi do todo malo e permitiuse seguir mandando no luminoso (56-52), os últimos 10 minutos foron os peores sen ningunha dúbida tanto en ataque como en defensa e terminaron cedendo por un 69-75 que as deixa na terceira posición da táboa.
Xa finalizada a liga regular con moi bos números, agora o cadro pontevedrés xogarase a fase de ascenso en Melilla, concretamente no pavillón Guillermo García Prezzi do 21 ao 24 de abril.
Consulta as estatísticas do CB Arxil- Adareva Tenerife
Relacionadas:
-
O Arxil cede a súa segunda derrota e di adeus ao soño do ascenso (64-61)
Por Manu Otero |
-
Grave lesión de María Lago, ao romper o tendón de Aquiles no primeiro partido da fase de ascenso co Arxil
Por Diego Espiño |
-
Mal inicio do Arxil na fase de ascenso, con derrota fronte ao GEiEG (56-68)
Por Diego Espiño |
-
O Arxil viaxa a Melilla "a por todas" na busca do ascenso á Liga Feminina Challenge
Por Diego Espiño |
-
Desvelado o camiño que lle espera ao Arxil na fase de ascenso á Liga Feminina Challenge
Por Redacción |
-
O Arxil despide a liga regular na casa coa mente posta no playoff de ascenso
Por Redacción |
-
O Arxil xogarase o ascenso en Melilla
Por Redacción |
-
O Arxil supera o Córdoba na recta final (66-71)
Por Redacción |
-
A falta de efectivos condena o Arxil en Melilla (77-59)
Por Redacción |
-
Recital do Arxil para colocarse a un paso de disputar o ascenso (76-60)
Por Cristina Saiz & Almu Dapena |