Os representantes españois para as Copas do Mundo de piragüismo elexiranse en Pontevedra
Por Manu Otero
O complexo deportivo David Cal de Verducido acollerá o 6 e 7 de maio a segunda rolda da Copa de España de Piragüismo na modalidade de sprint olímpico. Será a segunda proba desta competición que se organice no Pontillón do Castro de forma consecutiva, posto que a primeira xa fora concedida a Pontevedra, que repetirá na segunda pola renuncia da federación asturiana a organizala no encoro de Trasona.
Por problemas derivados da folga de transporte, en Asturias non aseguran ter todo preparado para a celebración da competición. Ante esta situación, a Federación Galega de Piragüismo aceptou organizar tamén esta segunda xornada da Copa. A primeira está prevista para os días 23 e 24 de abril.
Con este cambio, a pista de regatas de Pontevedra convértese tamén en sede dos dous próximos selectivos de embarcacións para as principais competicións internacionais, que se celebrarán coincidindo coa celebración destas dúas primeiras xornadas da Copa de España.
En función dos resultados acadados nestas Copas de España, os padeeiros de categoría absoluta poderán conseguir o billete para participar nas diferentes probas da Copa do Mundo, competición nas que se reparten os pases para os Europeos e Mundiais. Mentres que en categorías inferiores, os deportistas poderán conseguir a clasficiación a estas grandes citas internacionais de xeito directo nas Copas de España.
Por iso, unha vez máis, o encoro do Pontillón volverá reunir aos mellores padeeiros do país tanto en abril como en maio.
Relacionadas:
-
Preto de 700 piragüistas cítanse en Verducido na Copa de España para embarcacións de equipo
Por Diego Espiño |
-
Choiva de medallas para o piragüismo galego na I Copa de España Sprint celebrada en Verducido
Por Almu Dapena & Cristina Saiz |
-
Oito medallistas olímpicos e outros moitos aspirantes cítanse esta fin de semana en Verducido
Por Manu Otero |
-
O Naval de Pontevedra triunfa na primeira regata da liga Eurorresión de piragüismo
Por Redacción |
-
Convenio entre o Concello e a Federación Galega de Piragüismo para a celebración de catro campionatos
Por Redacción |
-
Adrián Sieiro, unha volta ás orixes para relanzar o soño olímpico: "Imos a por París como sexa"
Por Diego Espiño & Mónica Patxot |
-
Verducido, sede prioritaria un ano máis no calendario de competición da Federación Española de Piragüismo
Por Diego Espiño |
-
Un 2021 olímpico e inesquecible para Teresa Portela, Juan Saavedra e Antía Jácome
Por Diego Espiño |
-
Antía Jácome asina a clasificación olímpica máis emotiva
Por Manu Otero & Mónica Patxot |