A Federación Española de Natación mostra a súa "estrañeza polo repentino peche" da piscina de Rías do Sur
Por Redacción
A decisión da empresa concesionaria Supera de pechar as instalacións de auga do Complexo Deportivo Rías do Sur de Ponte Muíños, e por tanto a súa piscina olímpica, desencadeou unha onda de apoios de todo tipo cara aos usuarios e sobre todo clubs e deportistas que alí adestran.
Tamén desde a Real Federación Española de Natación (RFEN) quixéronse sumar a ese respaldo e crítica pola decisión mostrando a súa "estrañeza polo repentino peche da piscina", sobre todo tras celebrar a principios deste mesmo mes de marzo "un espectacular Campionato de España de Natación Master", unha cita que congregou preto de 1.200 deportistas.
Cabe destacar que a piscina olímpica pontevedresa foi durante os últimos anos tanto para a natación galega como española, non só como lugar de adestramento senón como sede de competicións autonómicas e nacionais, destacando dúas edicións do Nacional Open de Primavera, evento tradicionalmente clasificatorio para Mundiais, Europeos ou Xogos Olímpicos polo que pasaron os grandes nomes da natación española como a campioa olímpica Mireia Belmonte.
"Queremos expresar o prexuízo que supón para a natación galega e tamén para a natación española, e solidarizámonos coa FEGAN e con todos os deportistas galegos desexando unha rápida solución que pase pola reapertura da lámina de auga para beneficio de todos os usuarios", conclúe nunha mensaxe compartida a través das súas canles oficiais a RFEN.
Relacionadas:
-
VÍDEO.- Deportistas e usuarios de Rías do Sur concéntranse en protesta polo peche da piscina olímpica
Por Diego Espiño |
-
Os clubs que adestran en Rías do Sur intensifican a súa presión porque #LaOlímpicaNoSeCierra
Por Diego Espiño |
-
O persoal de Rías do Sur lembra á empresa xestora Supera que asinou un compromiso coa sociedade pontevedresa
Por Anxo Lourido |
-
A Escola Naval e o CGTD, ao rescate dos clubs afectados polo peche de Rías do Sur
Por Diego Espiño |
-
Supera ofrécese a negociar unha rescisión da súa concesión en Rías do Sur
Por Diego Espiño |
-
Tino Fernández defende que "non queremos alternativas que supoñan un parche" para recuperar o servizo en Rías do Sur
Por Diego Espiño |
-
O deporte de elite, intranquilo polo peche de Rías do Sur: "Víase vir hai tempo que isto ía ser peor que o Titanic"
Por Diego Espiño |
-
Os populares ofrecen a súa axuda ao Concello para "reducir o impacto do peche da piscina de Rías do Sur"
Por Redacción |
-
O peche da piscina olímpica, unha decisión da concesionaria Supera a nivel nacional
Por Diego Espiño |
-
Clubs e deportistas, na estacada polo peche da piscina olímpica: "Poden chegar a desaparecer os clubs"
Por Diego Espiño |
-
As instalacións de Rías do Sur pechan temporalmente as piscinas e o spa debido aos custos enerxéticos
Por Marisa Ciordia & Anxo Lourido |