Catro récords de Europa e 69 de España no Campionato de España máster celebrado en Ponte Muíños
Por Redacción & Cristina Saiz
O Complexo Deportivo Rías do Sur de Ponte Muíños, en Pontevedra, acolleu desde o día 3 ata o 6 de marzo o XXVII Campionato de España Open de Inverno de Natación Máster. Un evento completamente especial que, despois de 3 anos, volveu a celebrarse sen restricións e sobre todo con moitas ganas.
Nel participaron 1.253 nadadores de todas as idades pertencentes a 161 clubs de toda España e algún de Portugal, unhas cifras de récord que confirman a necesidade que ten a xente de volver á normalidade total.
De feito, viviuse un campionato do todo espectacular en canto a ambiente e a récords, baténdose un total de catro Europa e 69 España.
En canto á clasificación por clubs masculinas o CN Galaico tívose que conformar cun 58 posto tras lograr un total de 101,00 puntos nun podio que liderou o CD Jerez Natación Máster con 2.310,50 puntos e que completaron o CN Monteverde con 1.591,00 e o CN Cuatro Caminos con 1.501,50.
Mellor posición conseguiu o equipo feminino do CN Galaico, logrando o posto 28 con 228,50 puntos.
O podio, nesta ocasión, foi o mesmo que o masculino. Primeiro o CD Jerez Natación Master (1.593,00 puntos), segundo o CN Monteverde (1.101,50 puntos) e terceiro o Cuatro Caminos (993,00 puntos).
Finalmente, feito o reconto da participación tanto masculina como feminina, o conxunto pontevedrés logrou un bo posto 31 (357,50 puntos) dun total de 154 participantes.
Consulta os resultados do Campionato de España Open de Inverno de Natación Máster na seguinte ligazón.
Relacionadas:
-
O Nacional Master de Natación de Inverno, unha competición coa que Rías do Sur pecha o círculo
Por Diego Espiño |
-
O ex ferroviario de 95 anos que aprendeu a nadar xa xubilado e gaña medallas alá onde vai
Por Almu Dapena & Cristina Saiz |
-
O Nacional Máster de Natación supera as expectativas e contará en Pontevedra con 1.253 deportistas de 161 clubs
Por Diego Espiño |
-
O Nacional de Inverno Máster de Natación regresa a Pontevedra en busca da normalidade
Por Redacción |