Preto de 300 deportistas de diferentes categorías déronse cita este sábado 12 de febreiro para gozar dunha gran xornada de Dúatlon coa cuarta edición do 'Movéndonos por Poio'. 

A competición arrincou ao redor das 15:00 horas coas probas dos máis pequenos, mentres que as probas absolutas tanto masculinas como femininas comezaron ás 17:00 e 17:15 horas respectivamente.

O percorrido da carreira constou de 5,5 quilómetros de carreira a pé, 17 quilómetros de bicicleta e de novo un tramo a pé final de 2,75 quilómetros ata chegar á meta, sendo os primeiros en chegar á meta Brais Canosa, do Náutico de Narón (57:36) en categoría masculina e Alice Finot, do Club Atletismo Porriño (1:04:16) en categoría feminina.

No podio acompañáronos Gustavo Santiago, do Tríatlon Poio (57:47) e David Campos, do Tríatlon Ferrol (58:30), e Sara Guerrero, do Náutico de Narón (1:04:53), e Charlotte Marie, do Atletismo Porriño (1:07:22).

Antes do inicio da proba gardouse un minuto de silencio en recordo de Alfonso Bellón 'Capi'. Ademais, os deportistas do Tríatlon Poio luciron crespóns negros durante a proba.

Consulta todos os resultados da IV edición ' Movéndonos por Poio' na seguinte ligazón

Pantalla completa