Verducido, sede prioritaria un ano máis no calendario de competición da Federación Española de Piragüismo
Por Diego Espiño
A Asemblea Xeral Ordinaria da Real Federación Española de Piragüismo aprobou o calendario oficial de competicións nacionais para o ano 2022, e un ano máis Pontevedra ocupa un papel destacado, nesta ocasión centrando a actividade no Complexo Deportivo David Cal situado no encoro de Pontillón do Castro, en Verducido.
Segundo a programación da tempada que está a piques de comezar, a pista de competición do encoro pontevedrés será unha das sedes prioritarias da Federación.
Así, dentro do Trofeo Nacional Olímpico de Sprint 'Hernando Calleja' o Pontillón acollerá os días 23 e 24 de abril a primeira das Copas de España Sprint da tempada.
Pola súa banda, dentro da liga nacional de novas promesas en augas tranquilas, Pontevedra será sede o 14 e 15 de maio da Copa de España Cadete e os días 30 e 31 de xullo do Campionato de España Infantil e Cadete.
Ademais Verducido acollerá o 18 e 19 de xuño a segunda Copa de España de Barco Dragón sobre a distancia de 500 metros e o 24 de xullo do Campionato de España Sprint de Veteranos, mentres que o río Lérez será escenario ese mesmo 24 de xullo do Campionato de España de Maratón Curto, tamén para veteranos.
Por último, o kaiak-polo tamén terá protagonismo cunha xornada de liga de 1ª División (18-19 de xuño) e 3ª División (2-3 de xullo) e tamén do Campionato de España por Comunidades Autónomas (1-2 de outubro).
Relacionadas:
-
A EP Ciudad de Pontevedra, mellor club na Copa de España de Barco Dragón
Por Cristina Saiz & Redacción |
-
Choiva de medallas para o piragüismo galego na I Copa de España Sprint celebrada en Verducido
Por Almu Dapena & Cristina Saiz |
-
Oito medallistas olímpicos e outros moitos aspirantes cítanse esta fin de semana en Verducido
Por Manu Otero |
-
Os representantes españois para as Copas do Mundo de piragüismo elexiranse en Pontevedra
Por Manu Otero |
-
Convenio entre o Concello e a Federación Galega de Piragüismo para a celebración de catro campionatos
Por Redacción |
-
O piragüismo galego cóbrese de metales no Campionato de España de Inverno
Por Redacción |
-
O piragüismo pontevedrés inicia a tempada en plena forma
Por Redacción |
-
Máis de 400 padexeiros competiron no VII Trofeo Internacional Rías Baixas en Verducido
Por Redacción & Cristina Saiz |
-
Un convenio de case 225.000 euros para converter Pontevedra na casa do equipo nacional de kaiak feminino
Por Diego Espiño |