Pontevedra albergará en xullo unha proba da Copa do Mundo de Tríatlon
Por Diego Espiño
A Copa do Mundo de Tríatlon aterrará en 2022 en Pontevedra, e é que a cidade do Lérez foi engadida ao calendario desta competición internacional segundo confirmou a Federación Española de Tríatlon.
Trátase dun evento que servirá de test organizativo para a Gran Final das Series Mundiais que se disputará en 2023 na Boa Vila.
"Queremos que nos sirva para axustar todos os circuítos e protocolos de traballo para o ano 2023 onde aspiramos facer a mellor Gran Final e Campionato do Mundo de Paratriatlon", sinalou o presidente da Federación Española, José Hidalgo, contento de que España poida contar con dous eventos do máximo nivel esta tempada "no ano en que comeza o período de clasificación olímpica".
"Estamos encantados de que Pontevedra, que demostrou ser un fantástico anfitrión de múltiples deportes no calendario mundial de tríatlon, agora reciba a algúns dos mellores triatletas do mundo para a Copa do Mundo de Tríatlon deste ano", declarou á súa vez a presidenta da Federación Internacional de Tríatlon (ITU), Marisol Casado.
A cita internacional celebrarase o próximo 23 de xullo "transformando a Copa do Mundo nun novo espectáculo para todos os pontevedreses e pontevedresas", confía o alcalde, Miguel Anxo Fernández Lores.
Pola súa banda o edil de Deportes, Tino Fernández, mostrouse "absolutamente convencido de que pasaremos este test cunha nota moi alta e que a confianza depositada pola Unión Internacional de Tríatlon para acoller a Gran Final das Series Mundiais verase aínda máis reforzada tras a proba deste verán".
A Copa do Mundo contará con máis dunha decena de carreiras ao longo de toda a tempada, empezando en Haeundae en Corea a finais de abril para terminar en Miyazaki (Xapón) en novembro.
Relacionadas:
-
Cartel de luxo para a Copa do Mundo de Tríatlon de Pontevedra con Gómez Noya, Mario Mola e Jonathan Brownlee na lista de rexistrados
Por Diego Espiño |
-
Así será o circuíto da Gran Final das Series Mundiais de Tríatlon en Pontevedra
Por Diego Espiño |
-
Un sector ciclista "en el entorno de la ría", novidade para as probas da Copa do Mundo e a Gran Final das Series Mundiais de tríatlon
Por Diego Espiño |
-
Acordo entre o Concello e a Xunta para que o CGTD sexa parte da Gran Final das Series Mundiais de tríatlon
Por Diego Espiño |
-
Pontevedra coroará o sábado aos campións autonómicos de dúatlon
Por Manu Otero & Diana Eiras |
-
A Copa do Mundo de Tríatlon en Pontevedra, sen deportistas rusos nin bielorrusos
Por Diego Espiño |
-
A Xunta compromete o seu apoio á Gran Final das Series Mundiais de tríatlon: "Esa axuda vaise producir"
Por Diego Espiño |
-
A Gran Final das Series Mundiais, un evento "descomunal" cun retorno "igual de 5 ou 6 millóns de euros"
Por Diego Espiño & Mónica Patxot |
-
Reaccións á designación de Pontevedra como sede das Series Mundiais de tríatlon: "Os soños fanse realidade"
Por Diego Espiño |
-
"Broche de ouro" de Pontevedra co tríatlon: Acollerá a Gran Final das Series Mundiais en 2023
Por Diego Espiño & Mónica Patxot |