Competición apraza o partido do Cisne ao detectarse un gromo de covid no seu rival, o Villa de Aranda
Por Diego Espiño
O regreso á competición na División de Honra Prata deberá esperar polo menos unha semana máis para o Club Cisne Balonmán, despois de que o Comité de Competición aceptase a solicitude de aprazamento do encontro que debía enfrontar aos pontevedreses este sábado 15 de xaneiro co Villa de Aranda a domicilio.
A petición de suspensión produciuse este xoves tras detectar o club burgalés un gromo de covid nas súas filas.
PRIMER EQUIPO | El CNC de la @RFEBalonmano ha confirmado el aplazamiento del encuentro que nos iba a enfrentar este sábado frente al @ClubCisneBalonm.
— Club Balonmano Villa de Aranda (@bmvillaaranda) January 14, 2022
En los próximos días, conoceremos una nueva fecha para la disputa de este partido.#volver_a pic.twitter.com/tiGYrRMHm9
En concreto o Villa de Aranda localizou tres contaxios de coronavirus tras a realización de test de antíxenos ao seu primeiro plantel, mantendo seguimento a outros xogadores que "presentan síntomas leves".
Precisamente ese temor a novos casos terminou por aprazar o partido.
Dáse a circunstancia de que tamén o Cisne comunicou un novo positivo de covid no seu equipo, o segundo tras o detectado hai poucos días.