Severo correctivo do Ensino (66-36) sobre o Arxil nun partido resolto no primeiro cuarto
Por Redacción
Concentración e intensidade defensiva. Esas foron as armas dun Ensino que esmagou o Arxil. As pontevedresas tardaron máis de oito minutos en anotar a súa primeira e única canastra en todo o cuarto inicial, para retirarse ao descanso con 26 puntos abaixo e partido claramente resolto para as lucenses.
Os 15 puntos anotados e 20 rebotes capturados pola xamaicana Tajay Ashmeade resultaron insuficientes ante o atoamento xeral do equipo de Mayte Méndez, no que só catro das súas xogadoras foron capaces de encontrar o aro rival.
A dous últimos cuartos só serviron para que o técnico local dese minutos ás súas xogadoras menos habituais, o que aproveitou o Arxil para conseguir parciais máis axustados, pero mesmo así foron incapaces de reducir a desvantaxe e a tremenda superioridade exhibida polo Ensino.
ENSINO (66): Cuíña (2), Reggiardo (13), Navarrete (11), Matoso (14), Yaiza (10) -cinco inicial-, Montero (6), Lema (4), Rocio (2), Muñoz (2), Pedrouzo (2) e Reigosa.
ARXIL (36): María González (4), Sandra Entenza, Jara Tuda, Fani López (4), Tajay Ashmeade (15) -cinco inicial-, Ana Martín (13), Carla Fernández, Andrea Carrera, Cristina Díaz Pache, María Lago e María Quiroga.
Árbitros: Juan Gabriel Carpallo e Cristina García (Castela-León). Sen eliminadas.
Marcadores parciais: 16-2, 26-14 (42-16, descanso), 14-10 (56-26) e 10-10 (66-36, final).
Incidencias: Pazo dos Deportes (Lugo). Uns 350 espectadores.