Roberto Rodríguez gaña o XIX Open Ciudad de Pontevedra de tenis
Por Redacción
Roberto Rodríguez proclamouse vencedor do XIX Open Cidade de Pontevedra, tras superar na final do campionato a Rodrigo Figueroa por 6-4 e 7-6. Rodríguez revalidou así o título logrado o pasado ano ante Miguel Casal.
O campión, que ocupa o posto 41 na clasificación de tenistas españois, fixo bo o prognóstico que o situaba como principal favorito, aínda que no partido decisivo atopouse coa sempre férrea resistencia de Figueroa, actual número 57 do ranking español e un habitual no torneo pontevedrés.
Polo seu triunfo, Rodríguez levou un premio de 350 euros, mentres que o finalista obtivo 180. O resto dos premios en metálico, ata completar 1000 euros, repartíronse entre os semifinalistas, cuartofinalistas e octavofinalistas.
Como en edicións precedentes, este Open Cidade de Pontevedra contou cun elenco de gran nivel, xa que entre os 16 xogadores que accederon ao cadro final, catro sitúanse entre os 150 mellores do país.