A nadadora Antía García segue batendo récords
Por Redacción
Antía García segue nun extraordinario estado de forma. Despois de proclamarse tripla campioa de Europa de salvamento e outras tantas veces campioa de España pulverizando todos os rexistros, a nadadora de Caldas volve situar o seu nome no primeiro posto da lista de marcas de todos os tempos. Esta vez en fíxoo no campionato galego, nas probas de 50 rescate e 100 combinada.
O complexo deportivo que leva o seu nome foi o escenario no que se celebrou a segunda xornada da liga galega sur de salvamento. Organizada polo Club Acuático Umia, os anfitrións estiveron representados por 60 nadadores de categorías infantil, cadete, xuvenil, júnior e sénior que lograron numerosas vitorias, así como marcas mínimas para participar nos campionatos de España.
Pero os mellores resultados protagonizounos o seu mellor nadadora. Antía García bateu o récord autonómico nas modalidades de 50 metros rescate e en 100 metros combinada. En categoría absoluta tamén se fixeron co triunfo Álex Piso e Ainoa Carracedo na proba de 200 metros supersocorrista, o que lles abrirá as portas do nacional. A cadete Lida Aboy tamén conseguiu a vitoria batendo ademais o récord galego na mesma modalidade.
En segunda posición acabou o júnior Dani Andújar, mentres que a sénior Laura Mirás foi terceira. Completaron o cadro de honra do conxunto caldense Saúl Rodríguez cunha cuarta posición e o equipo da substitución absoluta feminino co triunfo na proba de 4x25 arrastre.
Relacionadas:
-
Antía García pecha o Mundial de Salvamento cunha medalla de bronce
Por Redacción |
-
Antía García consegue cunha prata nos World Games a medalla que lle faltaba
Por Diego Espiño |
-
Antía García consegue tres medallas para o Acuático Umia no campionato de España
Por Redacción |
-
Antía García asina un triplete de ouro no nacional de salvamento en distancias curtas
Por Redacción |
-
Antía García rebaixa tres récords de España de salvamento
Por Redacción |
-
Antía García consegue tres medallas, unha de ouro, no Campionato de Europa de Salvamento
Por Diego Espiño |