Pablo Dapena renova para 2022 co equipo profesional BMC Pro Triathlon
Por Diego Espiño
A pretempada está en marcha para os grandes triatletas do panorama nacional e internacional, e entre eles para un Pablo Dapena que seguirá pertencendo en 2022 a un dos equipos de referencia, o BMC Pro Triathlon Team.
O triatleta pontevedrés renovou o seu vínculo para 2022 coa escuadra belga, á que chegou a finais de 2018 tras proclamarse campión do Mundo de Longa Distancia.
"Subindo a cremalleira para unha nova tempada por diante", sinala o encabezado do vídeo compartido tanto polo equipo como polo propio triatleta para confirmar que afrontarán o seu terceiro curso xuntos, engadindo un "brillemos neste 2022".
Cabe lembrar que en 2021 no BMC Pro Triathlon Team contou nas súas filas con deportistas de nivel de diferentes partes do mundo como o danés Kristian Høgenhaug, o estadounidense Chris Leiferman, a británica Katrina Matthews, o asutraliano Max Neumann, o sueco Patrik Nilsson ou a tamén norteamericana Chelsea Reilly Sodaro.
Por parte de Pablo Dapena, a pesar da lesión que lle impediu pechar a tempada competindo e pelexando polo ranking World Bonus da franquía Challenge Famlily, o seu bo nivel levoulle a finalizar en cuarto lugar esta clasificación, gañándose a confianza un ano máis do equipo.
Relacionadas:
-
Pablo Dapena reaparece cun sólido triunfo no Mallorca Olympic Triathlon
Por Almu Dapena |
-
Pablo Dapena, pretempada tardía en Lanzarote coa vista posta en xuño: "Non foi un inverno sinxelo, pero mereceu a pena"
Por Diego Espiño |
-
Pablo Dapena, incorporación de luxo para a nova tempada do Tríatlon Rías Baixas
Por Diego Espiño |
-
Javi Gómez Noya e Pablo Dapena cambian de adestrador
Por Redacción |
-
Pablo Dapena pecha o ano como cuarto clasificado no World Bonus da franquía Challenge
Por Diego Espiño |
-
Pablo Dapena pon fin á tempada por problemas físicos
Por Almu Dapena |
-
Sexto posto para Pablo Dapena e oitavo para Saleta Castro no Mundial de longa distancia de Almere
Por Almu Dapena |