O campo de fútbol do Revel recibe a certificación FIFA Quality
Por Redacción
Recoñecemento de calidade para o renovado campo de fútbol do Revel, en Vilalonga.
A instalación acaba de recibir a certificación FIFA Quality que outorga a federación internacional aos terreos de xogo de céspede artificial que cumpren unha serie de requisitos.
"É o primeiro campo de Sanxenxo que conta con este selo e xa o están a disfrutar os nosos deportistas tanto do Villalonga F.C. como do Sporting Club Libertad e varios equipos veteráns. É unha moi boa noticia", explicou respecto diso o concelleiro de Deportes, Daniel Arosa.
Entre outras probas realizadas, sinala o Concello de Sanxenxo, comprobouse a interacción entre o xogador e a superficie de xogo, entre o balón e a superficie, a resistencia ás condicións meteorolóxicas ou a durabilidade.
Esta certificación terá vixencia ata o ano 2024.