O PP denuncia o "abandono" do campo de fútbol de Cerponzóns e pide solucionar os seus "problemas de abastecemento de auga"
Por Redacción
O concelleiro do Partido Popular de Pontevedra encargado da área deportiva, Guille Juncal, alertou este mércores da situación de "abandono" que vive o renovado campo de fútbol de Cerponzóns.
Asegura o edil que o campo leva catro anos sen regar "xa que se construíu sen ter en conta as necesidades de abastecemento de auga que unha instalación desas características require".
Todo eles tras investirse na súa construción preto dun millón de euros e de engadirse a posteriori un pozo de barrena que non resulta suficiente para soportar a rega.
"É unha situación inaceptable que, ademais de desgastar o propio céspede artificial reducindo excesivamente a súa vida útil, supón un perigo para a integridade física dos deportistas que alí adestran e compiten", resalta Juncal solicitando ao concelleiro de Deportes que "poña en marcha as xestións oportunas para solucionar os problemas de abastecemento de auga do campo".
Trátase dunha problemática que segundo o representante popular "non é allea á Concellería de Deportes, xa que, con data de 19 de febreiro de 2020 os propios usuarios remitiron un escrito no que informaban desta situación".
Relacionadas:
-
Tino Fernández estudará unha "alternativa razoable" para a falta de auga no campo de Cerponzóns se o pide o club ou os comuneiros
Por Diego Espiño |
-
O Cerponzóns CF denuncia danos no seu campo pola celebración de 'pachangas' a pesar de estar pechado polo Concello
Por Diego Espiño |
-
Ponte Sampaio estrea o seu novo campo de fútbol
Por Redacción & Cristina Saiz |