O Marín Futsal xa sabe o que é gañar en Primeira División (3-2)
Por Redacción & Cristina Saiz
O Marín Futsal xa coñece o sabor dunha vitoria na máxima categoría do fútbol sala. Á quinta foi a vencida, o tentaran e mereceran antes pero o triunfo resistiuse ata este sábado, no que as de Raúl Jiménez superaron con claridade o Penya Esplugues.
O conxunto local saltou á cancha decidido a poñer cerco sobre a portería dun rival que prefería un ritmo de partido máis lento. Pero cando mellor estaban as visitantes, chegou o primeiro tanto local, obra de Gaby remachando en boca de gol un balón solto tras disparo de Ceci á saída dun córner.
O bo facer de Silvia Aguete no tramo final do primeiro acto evitou o empate das visitantes. E as súas paradas aproveitounas Ceci para duplicar a vantaxe cun potente disparo desde fóra da área. Con todo, a tranquilidade ía durar pouco porque de forma inmediata, Aitana ía reducir distancias ao culminar unha rápida acción ofensiva.
Tras o paso por vestiarios, o Marín seguiu envorcado sobre a portería dunha Penya que non se engurraba. Con todo, foron as da Raña as que golpearon de novo. Pau recibiu o balón de Dani Fleitas e superou por baixo á gardameta rival Raquel, que quedou a media saída.
Tampouco serviu o tanto para sentenciar o partido porque só conco minutos máis tarde, Marta puido revolverse na zona do pivote para fusilar a Silvia Aguete e poñer emoción aos minutos finais do partido que finalmente se decantou ao lado do Marín Futsal.
Marín FS: Silvia Aguete; Ceci, Jessi, Pau García y Adri (quinteto inicial). También jugaron, Gaby, Marta, María León, Café, Mar Fernández y Lucía.
Penya Esplugues: Raquel; Marta Collado, Martita, Pilar y Célia (quinteto inicial). También jugaron, Ruth Aurín, Aína, Aitana, Laia Beltrán y Laia Haro.
Goles: 1-0, min. 7 Gaby. 2-0, min. 18 Ceci. 2-1, min. 19 Aitana. 3-1, min. 24 Pau. 3-2, min. 31 Martita
Árbitros: Amor Vizozo e Darriba Villamor amoestaron a Marta Colado, da Penya Esplugues
Incidencias: Partido correspondente á quinta xornada da Primeira División de Fútbol sala Feminino disputado no pavillón da Raña
Relacionadas:
-
Cita complicada para o Marín Futsal ante un Burela recentemente proclamado campión de Europa
Por Redacción |
-
Vitoria do Marín Futsal sobre o Alcorcón para recuperar sensacións (2-1)
Por Almu Dapena & Cristina Saiz |
-
Goleada do Móstoles ao Marín para romper coa súa boa serie (6-2)
Por Almu Dapena |
-
Recital de goles e remontada para o Marín Futsal sobre o Joventut D'Elx (5-3)
Por Almu Dapena & Cristina Saiz |
-
Segue a boa serie do Marín Futsal tras superar a domicilio o Zaragoza (1-3)
Por Redacción |
-
Poio Pescamar e Marín Futsal buscan a vitoria para recuperar a confianza, unhas; e reforzala, outras
Por Redacción |
-
O Marín Futsal deixa escapar a súa primeira vitoria no último minuto contra o Ourense Envialia (1-1)
Por Almu Dapena |
-
O Poio Pescamar faise co derbi contra o Marín Futsal (0-2)
Por Almu Dapena & Mónica Patxot |