Carlos Álvarez e Daniel Virulegio 'soben' á Selección Española Júnior e Marko Ojeda estréase coa Xuvenil
Por Redacción
O Club Cisne Balonmán está de parabén, e é que tres dos seus xogadores foron citados na primeira convocatoria do novo ciclo das seleccións nacionais de categorías inferiores.
Dous deles, o extremo Carlos Álvarez e o pivote Daniel Virulegio, ascenderon á Selección Española Júnior tras finalizar a súa etapa xuvenil, na que foron claves no histórico título nacional do seu equipo e no que tamén conseguiron a medalla de bronce no Europeo da categoría celebrada en Croacia.
Agora ambos os dous figuran na lista de 17 xogadores que este mércores fixo pública o seleccionador dos Hispanos Júnior, Rodrigo Reñones, para unha concentración de adestramento que se desenvolverá do 1 ao 7 de novembro en Alcalá de Henares.
Por outra banda o técnico do primeiro equipo cisneísta, Jabato, seleccionador español xuvenil, ofreceu tamén a súa primeira lista no novo ciclo confiando nun xogador do club pontevedrés como é o lateral dereito Marko Ojeda.
No seu caso os xogadores convocados están citados o 1 de novembro en Ciudad Real, onde comezarán a traballar para preparar este Torneo Scandibérico que terá o seu inicio o 4 de novembro con partidos ante Suecia, Portugal e Noruega.
Relacionadas:
-
O pivote do Cisne Dani Virulegio xogará no Valladolid a próxima tempada
Por Redacción |
-
España chama a dous xuvenís do Cisne para o Campionato do Mediterráneo
Por Redacción |
-
O Torneo 4 Nacións, un reto de inicio de ano para os cisneístas Carlos Álvarez e Pablo González
Por Redacción |
-
O Cisne asalta Zarautz nun partido non apto para cardíacos (25-26)
Por Almu Dapena |
-
O Cisne, pendente das axudas aprobadas polo CSD aos clubs de Asobal
Por Diego Espiño |
-
O Sarrià rompe a boa serie do Cisne e o elimina da Copa do Rei (32-28)
Por Almu Dapena |
-
A Copa do Rei entra en escena para Teucro e Cisne
Por Redacción |
-
Catro cisneístas, medalla de bronce no Europeo Xuvenil de Balonmán
Por Almu Dapena |