Pablo Dapena pon fin á tempada por problemas físicos
Por Almu Dapena
As lesións volven cebarse con Pablo Dapena, que se despide da tempada cando estaba a chegar á súa recta final. Mal momento para o triatleta pontevedrés, que se converteu nun dos máximos aspirantes para lograr o World Bonus da franquía Challenge coa súa segunda posición na clasificación e que agora ten que dicir adeus por unha nova lesión.
"Desafortunadamente tengo que decir adiós a esta temporada", anunciou Dapena a través das súas redes sociais. "Molestias en la zona interna de la cadera no me permiten correr desde el Challenge Almere y necesitaré al menos 3-4 semanas más de descanso para recuperarme".
O pontevedrés lamenta "este renuncio de última hora" e asegura as súas intencións de "apurar mis opciones hasta el último momento". Con todo, a recuperación alongouse máis do previsto e perderase as tres últimas semanas que restan de tempada, cancelando a súa participación no Challenge Salou (3 de outubro) e no Challenge Praguera-Mallorca (16 de outubro).
Esta retirada deixa a Dapena practicamente sen opcións de loitar pola recompensa do World Bonus. Estaba clasificado en segundo lugar con 1.000 puntos, superado polo intratable Patrick Lange. Tras eles, Thomas Steger ten 950 puntos; Lionel Sanders, 900; Braden Currie, 875; Frederic Funk, 800; e Jan Frodeno, 750.
Pero agora o importante é "recuperar o corpo aínda que creo que a prioridade é a cabeza", asegura o campión do Mundo de tríatlon de longa distancia, que desexa "suerte a todos en este tramo final de temporada".
Relacionadas:
-
Pablo Dapena volve á acción no Challenge de Gdansk
Por Redacción |
-
Pablo Dapena renova para 2022 co equipo profesional BMC Pro Triathlon
Por Diego Espiño |
-
Pablo Dapena pecha o ano como cuarto clasificado no World Bonus da franquía Challenge
Por Diego Espiño |
-
Pontevedra despide unha fin de semana chea de tríatlon
Por Redacción |
-
Paula Herrero e David Castro, campións de España de Tríatlon Sprint en Pontevedra
Por Almu Dapena & Mónica Patxot |
-
O sexto posto no Mundial coloca a Pablo Dapena segundo na loita polo World Bonus da franquía Challenge
Por Diego Espiño |
-
Sexto posto para Pablo Dapena e oitavo para Saleta Castro no Mundial de longa distancia de Almere
Por Almu Dapena |
-
Pablo Dapena e Anneke Forrest, gañadores da XX edición do trofeo Ciudad de Pontevedra de tríatlon
Por Mónica Patxot & Almu Dapena |
-
Pablo Dapena chega ao ecuador da tempada cun bronce no Challenge Gdansk
Por Almu Dapena |