O taekwondo inundará Pontevedra todo o fin de semana
Por Redacción
Os Xogos Olímpicos de Londres supuxeron un punto de inflexión na repercusión do taekwondo. Os metais obtidos por deportistas españois puxeron no mapa mediático a un deporte que en Pontevedra leva crecendo anos.
O Open Internacional Cidade de Pontevedra chega á súa XV edición, esta vez reunindo o próximo fin de semana a 1.173 loitadores de 46 clubes de España, Francia e Portugal. Récord de participación que serve de anticipo para o espectáculo que se espera vivir no Pavillón Municipal.
O torneo dividirase nas modalidades de combate, técnica e exhibición, repartidos nas xornadas de sábado e domingo.
A entrada terá un custo de tres euros para os adultos, mentres os menores de idade poderán acudir ao Open de xeito gratuíto.