Javier Ramilo triunfa na cuarta edición do 'RallyMix' de Cuntis
Por Redacción & Cristina Saiz
O Rally Mix de Cuntis regresou esta fin de semana ao calendario do automobilismo para celebrar a súa cuarta edición. Unha edición especial despois do parón polo covid-19, que reuniu a 84 coches procedentes de varios lugares de Galicia e mesmo de fóra, como foi o caso da piloto italiana Christine GZ ou o catalán Nil Solans.
A competición, clasificatoria para o Campionato galego, comezou o sábado coas tres primeiras mangas, onde o piloto Javier Ramilo (Yacar Racing) foi o mellor, liderando a clasificación unha vez finalizada a xornada inaugural.
Por detrás, a máis de 25 segundos, seguiulle Abel Jurado (Yacar Racing) e, a máis de 33 segundos, Adrián Ameal (Yacar Racing). Rozando o podio estaba o pontevedrés Alexis Viéitez (Buxa Motor Poio), que non tivo o inicio esperado pero foi mellorando o seu tempo en cada manga para escalar posicións na xeral.
Xa na segunda xornada, celebrada durante a mañá do domingo 26, Ramilo seguiu na súa liña, demostrando a súa superioridade no terreo para brillar con máis de 22 segundos de vantaxe na clasificación final sobre o seu seguidor máis próximo.
No caso de Abel Jurado, foi segundo a pesar do seu cuarto posto na última proba da competición, mentres que Alexis Viéitez, que xa gañara o RallyMix de Ribadumia e a Subida a Escusa, nesta ocasión logrou un axustado terceiro posto despois de remontar durante as sesións do domingo.
Finalmente, Javier Ramilo chegou en primeira posición co seu Yacarcross, facendo un tempo de 57:17.524; Abel Jurado ocupou o segundo caixón do podio con 57:39.868 e, Alexis Viéitez foi terceiro cun crono de 57:39.961.
Consulta as clasificacións do RallyMix de Cuntis na seguinte ligazón
Relacionadas:
-
O RallyMix Cuntis Vila Termal quece motores para a súa quinta edición
Por Redacción |
-
A regularidade de Javier Ramilo lévao ao triunfo no II RallyMix Concello de Ribadumia
Por Cristina Saiz & Redacción |
-
A Federación Galega de Automobilismo aproba o seu pre-calendario de competición para 2022
Por Diego Espiño |
-
Alfonso Ventín estrea o palmarés do RallyMix de Portas
Por Redacción |
-
Portas estréase no calendario autonómico de RallyMix
Por Redacción |
-
O RallyMix de Cuntis pecha a lista de rexistrados con 84 pilotos, entre eles Christine GZ e Nil Solans
Por Manu Otero |
-
Alexis Viéitez coróase na primeira edición do 'RallyMix' de Ribadumia
Por Redacción & Cristina Saiz |
-
As subidas a Pontevedra e Marín e os Rallymix de Cuntis e Ribadumia, no precalendario 2021 do automobilismo galego
Por Diego Espiño |
-
Aprazada definitivamente ata 2021 a cuarta edición do RallyMix de Cuntis
Por Diego Espiño |