O Baxi Ferrol reina na Raña e consegue o seu sexto título da Copa Galicia de baloncesto
Por Redacción & Cristina Saiz
O pavillón da Raña acolleu esta fin de semana as semifinais e final feminina da Copa Galicia de Baloncesto na que reinou un Baxi Ferrol que se fixo co seu sexto título autonómico ao superar na primeira pedra ao Celta Zorka (92-56) e ao Ensino de Lugo na gran final (68-61).
A partir das 18:00 horas comezaron as semifinais femininas co duelo entre o Baxi Ferrol e o Certa Zorka. O equipo ferrolán, que chegou como favorito, foi claro vencedor por 92-56. A outra semifinal disputárona o Ensino de Lugo e o Maristas da Coruña e, igual que pasou no anterior partido, houbo un claro favorito. Esta vez, o Lugo atropelou ás coruñesas por un avultado 95-48.
Á final, que se disputou ás 12:00 horas do domingo, chegaron Baxi Ferrol e Ensino de Lugo, demostrando ser os dous mellores equipos de Galicia e mostrando un recital de baloncesto a todos os presentes na Raña. Foi un partido disputado no que a igualdade predominou sobre todo no seu inicio pero, finalmente, a persistencia do Baxi sobre a defensa do Lugo foi primordial para facerse coa vitoria por 68-61 e conseguir o seu sexto trofeo da Copa Galicia.
Pola súa banda, na final da Copa Galicia LEB masculina competirán o Leyma Coruña e o Club Ourense Baloncesto ás 20:00 horas do venres 24 de setembro. No que respecta a este ano, a Copa Galicia adoptou un formato especial con dous finais. A primeira delas de categoría ACB que xa tivo lugar en agosto entre o Obradoiro e o Breogán.
Relacionadas:
-
A Raña acolle as finais da Copa Galicia de baloncesto masculina e feminina
Por Redacción |
-
O Arxil despídese da Copa Galicia vencendo o Rosalía e con mellores sensacións (66-58)
Por Redacción |
-
Un mal inicio condena o Arxil na súa visita o Maristas (73-67)
Por Redacción |
-
O Cortegada leva o derbi de Copa Galicia fronte ao Arxil (53-69)
Por Redacción & Mónica Patxot |